យ៉ាស៊ីន យំហើយ ! វ៉ាន់ វឿន 🇰🇭 Vs 🇦🇫 ប៉ែនកាក់ យ៉ាសុីន | 26-07-2026 THE BATTLE OF KINGS 57Kg #kunkhmer

វ៉ាន់ វឿន 🇰🇭 Vs 🇦🇫 ប៉ែនកាក់ យ៉ាសុីន | 26-07-2026 THE BATTLE OF KINGS 57Kg ‪@tnnnewsofficial‬ #cambodia #kunkhmer #kunkhmersport #kunkhmertalkshow #kunkhmernews #kunkhmermartialarts #sports #boxing #tnn លោកគ្រូ សេន ប៊ុនថេនបានចេញ សូមទោសទៅដល់មន្ត្រីចៅក្រម និង ថ្នាក់ដឹងនាំ ម្ចាស់ឧបត្ថម្ភ ក្នុងកម្មវិធី The Battle Of King ចំពោះកំហុសឆ្គងដោយអចេតនារបស់ ប៉ែនកាក់ យ៉ាសុីន វាយកែងពីក្រោយទៅលេីដៃគូប្រកួត និង កំហុសឆ្គងការតវ៉ា កាយវិកាមិនគប្បីរបស់ខ្ញុំបាទ សេន ប៊ុនថេន នៅលេីសង្វៀន ។ ជាពិសេសសូមទោស ពុកម៉ែបងប្អូន ជាអ្នកគាំទ្រគុនខ្មែរ ទាំងអស់ផងដែរ។ ........... លោក ឌៀន វិបុល កាន់ក្បាលមេក្រូ ប្រកាសច្បាស់ៗ ហើយបានសរសេរបង្ហោះ លើហ្វេសប៊ុក ដូចខាងក្រោម ៖ ស្ថានភាពនេះអាចបែងចែកជាពីរករណីដាច់ដោយឡែកពីគ្នា ទី១ ករណីបង្គោលខៀវបែរខ្នង៖ តាមបទបញ្ជាបច្ចេកទេស ចៅក្រមជាអ្នកមានសិទ្ធិសម្រេចកាត់ពិន្ទុ ខណៈអាជ្ញាកណ្តាលមានតួនាទីព្រមាន និងណែនាំមិនឱ្យកីឡាករបែរខ្នង។ ការបែរខ្នងអាចបង្ហាញថា កីឡាករកំពុងចាញ់ប្រៀប និងបាត់បង់សមត្ថភាពការពារខ្លួន ដូច្នេះគូប្រកួតគួរគោរពស្មារតីកីឡា មានទឹកចិត្តជាកីឡា មិនត្រូវរំលោភបំពានបទបញ្ជាបច្ចេកទេស។ ទី២ ករណីវាយត្រង់កញ្ចឹងក៖ នេះជាការរំលោភបំពានយ៉ាងធ្ងន់ធ្ងរលើបទបញ្ជាបច្ចេកទេសគ្រប់គ្រងការប្រកួតកីឡាប្រដាល់គុនខ្មែរ ព្រោះអាចបង្កគ្រោះថ្នាក់ធ្ងន់ធ្ងរដល់សុខភាព អាយុជីវិត ឬបណ្តាលឱ្យពិការភាព។ ដូច្នេះ យោងតាមបទបញ្ជាបច្ចេកទេស កីឡាករដែលប្រព្រឹត្តកំហុសបែបនេះត្រូវតែទទួលពិន័យ មិនមានការសម្រេចណាក្រៅពីអនុវត្តតាមបទបញ្ជាគ្រប់គ្រងការប្រកួតនោះទេ។ ប្រសិនបើយើងមិនហ៊ានអនុវត្តបទបញ្ជា និងសម្រេចពិន័យចំពោះកំហុសធ្ងន់ធ្ងរបែបនេះទេ វាអាចក្លាយជាគំរូមិនល្អ ដែលជំរុញឱ្យកីឡាករផ្សេងៗហ៊ានប្រព្រឹត្តតាម។ នេះគឺជាចំណុចដែលអាចបង្កហានិភ័យខ្ពស់បំផុតដល់សុវត្ថិភាព និងអាយុជីវិតរបស់កីឡាករ។ ការអនុវត្តបទបញ្ជាឱ្យបានត្រឹមត្រូវ មិនមែនដើម្បីដាក់ទោសអ្នកណាម្នាក់នោះទេ ប៉ុន្តែដើម្បីការពារអត្តពលិក និងរក្សាស្តង់ដារសុវត្ថិភាពនៃការប្រកួត។ ជាចុងក្រោយ ខ្ញុំសូមអរគុណចំពោះការបញ្ចេញមតិ និងការរិះគន់ក្នុងន័យស្ថាបនា។ សូមយើងទាំងអស់គ្នាឈរលើភាពត្រឹមត្រូវ គោរពបទបញ្ជាបច្ចេកទេស និងដាក់សុវត្ថិភាពរបស់កីឡាករជាអាទិភាព ដើម្បីឱ្យគុនខ្មែររបស់យើងរីកចម្រើនប្រកបដោយគុណភាព សុវត្ថិភាព និងការទទួលស្គាល់ជាអន្តរជាតិ។ ............... លោក ខូវ ឆាយ ប្រធានសហព័ន្ធកីឡាប្រដាល់គុនខ្មែរ ៖ បន្ទាប់ពីមានការចែករំលែក និងការលើកឡើងជាច្រើនពាក់ព័ន្ធនឹងការសម្រេចឱ្យកីឡាករ ប៉ែនកាក់ យ៉ាស៊ីន នៃក្លឹប សេន ប៉ុនថេន ប៉ែនកាក់គុនខ្មែរ ចាញ់ការប្រកួត ក្រោយពីបានវាយទៅលើកីឡាករ វ៉ាន់ វឿន ពីខាងក្រោយ ខ្ញុំសូមចូលរួមមតិដូចខាងក្រោម៖ ការប្រកួតកីឡានីមួយៗ គឺមានច្បាប់ល្បែង (បទបញ្ជាប្រកួត) ដែលបានចែងច្បាស់លាស់ ដូច្នេះកីឡាករ កីឡាការិនី ត្រូវស្វែងយល់អោយបានច្បាស់មុនការប្រកួត និងគោរពអោយបានខ្ជាប់ខ្ជួនអំឡុងពេលប្រកួត។ ក្នុងច្បាប់កីឡាគុនខ្មែរ មិនមានបទបញ្ញត្តិ «យកកំហុសសងកំហុស» នោះទេ។ ប្រសិនបើកីឡាករម្នាក់ប្រព្រឹត្តខុស មិនមានន័យថាគូប្រកួតអាចប្រព្រឹត្តខុសតបវិញបានឡើយ។ អ្នកណាប្រព្រឹត្តល្មើស អ្នកនោះត្រូវទទួលខុសត្រូវតាមបទបញ្ញត្តិ។ ករណីកីឡាករបែរខ្នងអំឡុងពេលប្រកួត អាជ្ញាកណ្តាលអាចធ្វើការណែនាំ បើញឹកញាប់ ព្រមាន ហើយចៅក្រមអាចកាត់ពិន្ទុទៅតាមកម្រិតនៃការប្រព្រឹត្ត ព្រោះកីឡាករបែរខ្នងបង្ហាញពីការខ្វះខាតកំលាំង បច្ចេកទេស និងសមត្ថភាពការពារខ្លួន។ ប៉ុន្តែការវាយទៅលើគូប្រកួតពីខាងក្រោយ គឺជាកំហុសធ្ងន់ធ្ងរ ដែលអាចបង្កគ្រោះថ្នាក់ដល់សុវត្ថិភាពកីឡាករ។ ដូច្នេះ បើសកម្មភាពនោះបណ្តាលឱ្យភាគីរងគ្រោះមិនអាចបន្តការប្រកួតបាន គណៈវិនិច្ឆ័យ មានសិទ្ធិសម្រេចឱ្យអ្នកបង្ក ចាញ់ការប្រកួត (Disqualification) ស្របតាមបទបញ្ជាប្រកួត។ ករណីដែលហៅថា "ចង្វាក់ស្រប" គឺជាសកម្មភាព២ ដែលកើតឡើងក្នុងពេលដំណាលគ្នា ឬកើតឡើងស្ទើរតែក្នុងពេលតែមួយ (Simultaneous Action) (កីឡាម្ខាងកំពុងវាយចេញ កំឡុងពេលកីឡាករម្ខាងទៀតកំពុងបែរខ្នង)។ ប៉ុន្តែប្រសិនបើ កីឡាករម្ខាង បានបែរខ្នងរួចហើយ ទើបកីឡាករម្ខាងទៀតបន្តវាយទៅពីខាងក្រោយ នោះមិនអាចចាត់ទុកថាជា "ចង្វាក់ស្រប" បានទេ។ ការប្រកួតកីឡាប្រយុទ្ធដើម្បីទទួលជ័យជម្នះ ត្រូវការកម្លាំង បច្ចេកទេស យុទ្ធសាស្ត្រ និងការគោរពវិន័យ។ ការបំពានច្បាប់មួយពេល អាចធ្វើឱ្យបាត់បង់លទ្ធផលដែលខិតខំប្រឹងប្រែងពេញមួយការប្រកួត។ ដូចគ្នានឹងករណីច្បាប់ល្បែងថ្មីរបស់សហព័ន្ធបាល់ទាត់FIFA អនុវត្តក្នុងពានរង្វាន់បាត់ទាត់ពិភពលោក (FIFA World Cup) ចែងពីការហាមឃាត់ការយកដៃខ្ទប់មាត់និយាយទៅកាន់គូប្រកួត បើសិនល្មើសគឺទទួលកាតក្រហម បញ្តេញចេញពីការប្រកួត នឹងអាចនាំអោយក្រុមទាំងមូលចាញ់ការប្រកួតបាន។ ដូច្នេះ វិន័យ និងការគោរពច្បាប់ គឺជាមូលដ្ឋានសំខាន់បំផុតនៃការប្រកួតកីឡា។ ក្នុងនាមប្រធានសហព័ន្ធ ខ្ញុំសូមលើកទឹកចិត្តដល់កីឡាករ ប៉ែនកាក់ យ៉ាស៊ី បន្តខិតខំហាត់ពត់លត់ដំ កែប្រែទម្លាប់មិនល្អ និងគោរពវិន័យអោយបានខ្ជាប់ខ្ជួន ដើម្បីបន្តទទួលជោគជ័យក្នុងអាជីពរបស់ខ្លួននាពេលអនាគត។ ក្នុងឱកាសនេះដែរ ខ្ញុំក៏សូមណែនាំដល់លោកគ្រូ សេន ប៉ុនថេន សូមរក្សាឥរិយាបថថ្លៃថ្នូរ គោរពការសម្រេចរបស់មន្ត្រីដឹកនាំការប្រកួត និងរក្សាសណ្តាប់ធ្នាប់ក្នុងពេលប្រកួត ដើម្បីធ្វើជាគំរូល្អដល់កីឡាករ គ្រូបង្វឹកដ៏ទៃ និងអ្នកគាំទ្រ។ ករណីនេះ គណៈកម្មការវិន័យរបស់សហព័ន្ធ ក៏នឹងប្រជុំពិនិត្យពីសកម្មភាពពាក់ព័ន្ធនានា ហើយនឹងអនុវត្តវិធានការវិន័យស្របតាមបទប្បញ្ញត្តិជាធរមាន ដោយឈរលើគោលការណ៍ យុត្តិធម៌ តម្លាភាព និងស្តង់ដារតែមួយចំពោះគ្រប់ក្លឹប គ្រូបង្វឹកនិងកីឡាករ។