KIKOSI CHA KUZUIA MAGENDO KMKM KIMEKAMATA NYARA ZA SERIKALI NA VITO KATIKA BANDARI YA FUMBA.

Mkuu wa Utawala na fedha KMKM Kepten Fadhil Ramadhan Mberwa amesema wamekamata Watuhumiwa wawili katika Jahazi wakitokea Bagamoyo kuja Zanzibar ambapo wamekutwa na kipande cha pembe ya ndovu chenye thamani ya zaidi ya shilingi million 6 na vito thamani vinavyosadikiwa kuwa ni Madini. Mberwa amesema watuhumiwa hao wamedai kuwa nyara hizo wamepewa na Mganga wa Kienyeji kwa lengo la kuhuwisha Biashara zao. Afisa Wanyamapori idara ya Misitu Abdul-latif Ibrahim Salmin amethibitisha kuwa kipande cha pembe kilichokamatwa ni Pembe ya Ndovu na Serikali itachukuwa taratibu za Kisheria. Awali Mkuu wa Kambi Bwefum Luten Kamanda Mohammed Suleiman Hemed amethibitisha kukamatwa kwa magendo hayo.