Uniko - Kokainë, resorte, politikë dhe gradaçela! Çfarë përmban dosja e SPAK për grupin “Aruba”

Uniko - Kokainë, resorte, politikë dhe gradaçela! Çfarë përmban dosja e SPAK për grupin “Aruba” ( 6 korrik 2026 ) Në Tiranën e vitit 2026, shkëlqimi i gradaçelave nuk është thjesht arkitekturë. Është një monument i një ekonomie që nuk njeh kufij. Një hetim I nisur nga Spak në vitin 2021 u konkretizua vetëm 5 vite më vonë me nxjerrjen e masave të sigurisë për rreth 20 persona të cilët dyshohet se janë në majën e asaj që njihet si pastrImi më I madh I parave të kokainës nëpërmjet sektorit të ndërtimit në Shqipëri. Ky hetim nuk është thjesht një dokument ligjor voluminoz dhe kompleks; por një hartë gjeopolitike e krimit. Ky është rrëfimi i një rrjeti që nuk kufizohet te trafiku i kokainës. Është historia e mënyrës se si fitimet kolosale të narkotrafikut dyshohet se kërkuan të gjenin një strehë të sigurt në Shqipëri: në hektare tokë, në resorte turistike, në vila luksi dhe në kulla shumëkatëshe. Në datën 11.05.2026 është urdhëruar regjistrimi në regjistrin e njoftimit të veprave penale si person që i atribuohet vepra penale emri i shtetasve Alfredo Hamzai, Ardian Zykaj, Adrian Rama, Artur Shehu, Leonard Bishaj, Arben Ismailaj, Elton Memeti, Erjon Rama, Edmond Jaupi, Besnik Myftari, Orgest Birçaj, Orest Sota, Dritan Aga, Luçiano Koçeku, Astrit Vladi, Kastriot Vladi, Dino Koçeku, Ervin Koçeku, Gëzim Islami, Ilir Shtufi.