افراح السميان المنشد فهد المسيعيد الشاعرسليمان خلف المسيعيد اهداء بمناسبة زواج عبدالعزيز رشيدالهزيمي

ياسلامي على الي للفعايل نطوحي ماتهمه صعاب ولا تهمه مدوحي يبتغي وجه ربٍّ خالقً كل روحي يافعولٍ تلاطم اصهلي لي حصانه الف مبروك عرسك والتهاني تزايد يا سمي الملك فيكم تزين القصايد يا بن رشيد جدك للمناعير قايد الجمل لا ارتكى للحمل ثابت مكانه مرحبا يا هلا باللي حضر بالنيابه كل ضيفٍ حضوره حاسبينً حسابه عند قرمً سعى بالمرجلة من شبابه عدّني يوم ارحّب واحدٍ من اخوانه سلّموا لي على اللي للجزالة مضرّى يرخي الكيس ويحب العطا ويتجرى يطري الطيب دايم والردى ما يطرّى و سلموا لي على اللي ما تهزهز كيانه ضاريً للمراجل معتلي كل قاره صاملٍ بالحمية فارقٍ بالسطاره تفهم اللي نصاك بحاجته بالاشاره لك فعولً تطرى بالزكاء والأمانه الردي ما اتعنّى له ولا ازور بيته لو سعى بالبلاد وشاع ذكره وصيته ما اجي الا حشيمً بالمراجل لقيته مثل ابو رشيد بالوقفات عنتر زمانه يابو نايف تقدم والمعالي ترومك يارشيد المراجل رحبت في قدومك من مواريث دسمان الفخر في وسومك الهزيم معروفه بالكرم والليانه لعنبوا من يخاف ولا يحب الشجاعة ذاك والله فلا هو من عيال الجماعة كلنا عندنا عن كل هافي مناعة الردي نكعمه بالصيخ ناسم اذانه قلتها لك وانا اقدر صحيبي واصونه كل ابونا سلايل شايبٍ تعرفونه بن مسيعيد قادات العرب يذكرونه ذكرنا بالخليج اليعربي والكنانه والتحية عليك تساق وازكى سلامي يوم انا وانت بالحسبة عيال العمامي لك جزيل التحايا والثناء واحترامي لك مقامً بصدري عاليً فيه شانه