Müddətdən artıq həqiqi hərbi xidmətə qəbul olmaq istəyən vətəndaşlarla görüş keçirildi

Müddətdən artıq həqiqi hərbi xidmətə qəbul olmaq istəyən vətəndaşlarla görüş keçirildi Milli Müdafiə Universitetinin tabeliyindəki hərbi təhsil müəssisələrində müddətdən artıq həqiqi hərbi xidmətə qəbul olmaq üçün müraciət edən bir qrup vətəndaşla görüş keçirilib. Bu barədə Müdafiə Nazirliyi məlumat yayıb. Namizədlərə "Çavuş hazırlığı kursu"nun mahiyyəti, təhsil prosesi və hərbi təhsil müəssisələrinin imkanları barədə ətraflı məlumat verilib. Görüşdə namizədlərə, həmçinin xidmət müddətində mövcud olan imtiyazlar, karyerada inkişaf və gələcəkdə təhsil almaq üçün yaradılan imkanlarla bağlı geniş məlumatlar çatdırılıb, onları maraqlandıran suallar cavablandırılıb. Əlavə olaraq bildirilib ki, vətəndaşların çoxsaylı müraciətləri nəzərə alınaraq Sumqayıt, Mingəçevir, Şirvan, Gəncə, Goranboy, Lənkəran, Masallı, Kürdəmir, Beyləqan, Bərdə, Ağcabədi və Quba şəhərlərində yerləşən Dövlət Məşğulluq Agentliyinin məşğulluq filiallarında və xidmət şöbələrində, Bakı şəhərində isə Heydər Əliyev adına Hərbi İnstitutda fəaliyyət göstərən mərkəzdə sənədlərin qəbul müddəti mayın 30-dək uzadılıb. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber   / baku.tv     / bakutvofficial   https://www.baku.tv Müddətdən artıq həqiqi hərbi xidmətə qəbul olmaq istəyən vətəndaşlarla görüş keçirildi 2025 © All Rights Reserved ℗ "Baku TV" LLC ™ #bakutv #hərbixidmət #hərbçi