TUUN LEH ZUA || Niangbawi

Music Track    • TUUN LEH ZUA || SOUND TRACK   Delhi ka omtung kum1994 in ka Nu & Pa leh ka sanggamte bang ka ngaithei mah² a, nitum ding kuan chiangbang in innlam ka ngaihna liansem² a hihman in zan ihmuttheih louh hun bang ka haumah² hi. Huailai in Hindustan Note book kichite khat ka neikha a, ka niteng hunzatdante leh ka lungsim a om thilte ka gelhkhe zelhi. Huai a ka thilgelhte lak ah hiai TUUN LEH ZUA La phuahni 15th February,1994 chih a na kigelhkha hi. Huan 1st January, 2000 in Deih Anglai Vol-IX ka published na uah honna mualsanta Htp. Muana Ngaihte'n a sa hi. Hoihkhol kei mahleh Ka Nu leh Pa'n hiai La a zak un kipaktak a ki-entuah in a nui phempham uhi. Tu in a maute'n leitung ah honna dam pih nawnkei mahle uh a hon dam pihlai ua a kipahna mah² uh ahi a, a maute ka itna leh ka ngaihluat ziak a ka La bawl tuh tu'n a maute theihgige na La hong suakta a hihman in ka deih in ka homthoh tun² hi. Huaiziak in ka ngaihthak² chiang in fuhzou lou kasa a, kembit utsem ka hihkawm² in muntuam gamtuam a om keibang a thomhauna pianpih bang ana omkhak zenzen leh a maute khualna ziak toh in a tune bawlthak sak in thumal khatleng kheklou in a hidan² in ka hon bawlkhia thaknawn hi. La siam takmai a hon saksak Mrs. Niangbawi tung ah kipahthu ka gen hi. Maban ahleng Pathian in talent a piak semsuah theizel ding in mazanna pia in vualzawl zelleh chih ka deihsak thu ka khak hi.🙏🏻 TUUN LEH ZUA Lyrics: Elcy Neihsial Singer: Niangbawi Tune: B. Khum Audio & Video: Lalsiam Studio 1. Heina singgam vangla khattang sawlbang heina pan, Ka Tuun leh Zua laizomte lunglai mitkha'n mu'ng e; Sianmang huai in tangbang damni Tuun leh Zua aw, Damtak in aw dawnbang kituak khawmnawnni. Khattang sawlbang ka heina sing vangkhua ah, A mizatam nunnuam phungching in leeng; Ka Tuun leh Zua ngai in huibang in mauveng, Damtak a dawnbang kituah nawnkal ngakla'ng. 2. Chimoh genthei hambang ka vaihna nuai simlei ah, Ka Tuun leh Zua ngai in naubang kap luankhi nulveng; Omlai vei luankhi ka nulchiang in aw Toupa, Baanzal hon leen in hambang hon huaizel in. 3. Muikhua hongziing ka Tuun leh Zua siangnuam ngaiveng e, Sambang zalna laikhun dohtam tung ah khattang in; Maimit siing lou Tuun leh Zua lung in gelgel veng, Hehhong nem vaw lailung mawl vondeih nihgel. ******** Note: Re-Upload is Strictly Prohibited