അമേരിക്കയിൽ നിന്ന് തെങ്കാശിയിലേക്ക് 1 ലക്ഷം കോടിയുമായി വന്ന വെമ്പു! The Village Billionaire #zoho

തിരുവനന്തപുരത്തു നിന്ന് കഷ്ടിച്ച് 100 കിലോമീറ്ററപ്പുറം മത്തളംപാറ എന്ന സ്ഥലമുണ്ട്. മലയാളി ഒന്ന് കൈയ്യെത്തിയാൽ തൊടാവുന്ന അത്ര അടുത്തുള്ള തെങ്കാശി-യിലെ ഒരു ഗ്രാമം. നെൽവയലുകളും നാട്ടിടവഴികളുമുള്ള മത്തളംപാറയിലെ ആ ഗ്രാമ വഴിയിലൂടെ ഒരു സാദാ സൈക്കിൾ ചവിട്ടി ഒരു മനുഷ്യൻ പോകുന്നു. തെങ്കാശിയിലെ വഴിയോരക്കടയിൽ കാണുന്ന ഒരു വെളുത്ത ഒറ്റമുണ്ടും മുറിക്കൈയ്യൻ കോട്ടൻ ഷർട്ടും ധരിച്ച ഒരു അമ്പത്തിയഞ്ച്കാരൻ. ചിരപരിചിതനായ ഒരു തമിഴ് മധ്യവയസ്ക്കന്റെ അതേ മുഖ പ്രസന്നതയും, സത്യസന്ധതയും, തെളിമയുടെ ചിരിയുമുള്ള ഒരാൾ. സൈക്കിളിൽ സാവധാനം നീങ്ങുന്ന ആ നിസ്വനായ മനുഷ്യനെ കാണുമ്പോൾ സ്ക്കൂളിലേക്ക് പോകുന്ന കുട്ടികൾ ആദരവോടെ ചിരിക്കും. അവരോട് കുശലം പറഞ്ഞ് അടുത്തുള്ള നാടൻ ചായക്കടയിലേക്ക് കയറി, ആ ഗ്രാമീണരിൽ ഒരാളായി അവരോടൊത്ത് നാട്ടുവർത്തമാനങ്ങൾ പറയുന്ന ആ മനുഷ്യൻ ആരാണെന്നറിയാമോ? ലോകമാകെ 10 കോടി ഉപഭോക്താക്കൾ ഉള്ള, 150 രാജ്യങ്ങളിൽ ബിസിനസ്സ് ചെയ്യുന്ന, 10,000 കോടിയുടെ വാർഷിക വിറ്റുവരവുള്ള, 1 ലക്ഷം കോടിയുടെ ആകെ മൂല്യമുള്ള ഒരു ചെറിയ സംരംഭത്തിന്റെ ഉടമയാണ്! അദ്ദേഹമോ, രാജ്യത്തെ 39-ാമത്തെ ധനികനും. ആ മനുഷ്യനാണ് ദിവസവേതനക്കാരന്റെ ജീവിത ലാളിത്യത്തോടെ ഇടവഴിയുടെ അരിക് പറ്റി സൈക്കിൾ ചവിട്ടി കടന്നുപോയത്! കോടികളുടെ കിലുക്കത്തിൽ കെട്ടിപ്പിണഞ്ഞ് കിടക്കാതെ വെറും കാലണ കൊണ്ട് ജീവിക്കാമെന്നും പകരം കോടികൾകൊണ്ട് കാരുണ്യത്തിന്റെ കോട്ടകെട്ടാമെന്നും പഠിപ്പിച്ചുകൊണ്ടിരിക്കുന്ന ആ തമിഴ്നാട്ടുകാരൻ ആരായിരുന്നു? ഒരുരൂപ നിക്ഷേപമോ ഫണ്ടോ വാങ്ങാതെ, അധ്വാനം കൊണ്ട് 1 ലക്ഷം കോടി മൂല്യമുള്ള ഒരു കോർപ്പറേറ്റ് ബിസിനസ്സ് ഒരു ഗ്രാമത്തിലിരുന്നുകൊണ്ട് ഉണ്ടാക്കാമെന്ന് തെളിയിച്ച ശ്രീധർ വെമ്പു. സോഹോ കോർപ്പറേഷന്റെ ആത്മാവും നിശ്വാസവുമായ വെമ്പു! തമിഴിന്റെ സാംസ്ക്കാരിക സൗന്ദര്യമായ തിരുക്കുറൽ പറയുന്നു, പെരുമയും ഇൻമയും പെട്രാർ, നിലമയ്ക്ക് ഉറുമയും ആവത് ഒഴുക്ക് അതായത് ഒരാളുടെ സമ്പത്തിലല്ല അയാളുടെ അന്തസ്സ്, അവർ എങ്ങനെ ജീവിക്കുന്നു എന്നതാണ് അന്തസ്സും സദ്‌ഗുണവും അച്ചടക്കവും എന്ന്. വെമ്പു ആ തിരക്കുറലിന്റെ നേർസാക്ഷ്യമാണ്! അതിന് കാരണം പറയാം. സിമ്പിളായി നടക്കുക മാത്രമല്ല, മറ്റാർക്കും എത്തിപ്പിടിക്കാനാകത്തതും അനുകരിക്കാനാകാത്തതുമായ ജീവിതത്തെ പച്ചയായി ജീവിച്ച് കാണിക്കുക കൂടിയാണ് ശ്രീധർ വെമ്പു. എല്ലാവരും ചിന്തിക്കുന്നതിന്റെ അപ്പുറത്തെ തലത്തിലേക്ക് ആ മനുഷ്യൻ ഓരോ നിമിഷവും സഞ്ചരിക്കുന്നു. അതുകൊണ്ടാണ് അമേരിക്കയിൽ മികച്ച വരുമാനവും മാർക്കറ്റും പിടിച്ചടക്കി മുന്നേറുന്ന ആ ഉന്നതിയിൽ വെച്ച് തന്റെ കർമ്മത്തെക്കുറിച്ച് അദ്ദേഹം ബോധവാനായത്. എല്ലവരും ഒരു ബിസിനസ്സ് തുടങ്ങാൻ കൊതിക്കുന്ന അമേരിക്കയിൽ, ലോക കോർപ്പറേറ്റുകളെപ്പോലും അമ്പരപ്പിക്കുന്ന മികച്ച ടേൺഓവറും പ്രോഫിറ്റും കൊയ്തുകൊണ്ടിരിക്കുന്ന വേളയിൽ സോഹോയുടെ പ്രവർത്തനം ഇന്ത്യയിലേക്ക് കൊണ്ടുവരാൻ വെമ്പുവിനെ പ്രേരിപ്പിച്ചത് എന്തായിരിക്കണം! വ്യക്തിപരമായി തന്റെ സാനിധ്യം ആ മനുഷ്യൻ തെങ്കാശിയിലെ മത്തളംപാറ എzohoന്ന കുഗ്രാമത്തിലേക്ക് മാറ്റി നട്ടത് എന്തായിരിക്കണം. മണ്ണും മനുഷ്യനും കൂട്ടുപിണഞ്ഞ് ജീവിക്കുന്ന ഗ്രാമത്തിൽ നാട്ടുമരങ്ങൾക്കും പച്ചക്കറി കൃഷിക്കും ഒക്കെ മധ്യേ, മധ്യവർഗ്ഗക്കാരുടെ വീട് പണിഞ്ഞ് വെമ്പു ജീവിക്കുന്നത് മനസമാധാനത്തോടെയാണ്. ക്ലബ്ബിലും കാസിനോവകളിലും കോക്ക്ടെയിലും വിസ്ക്കിയും നുണഞ്ഞ് അത്യാർഭാടമാക്കാമായിരുന്ന ജീവിതം പക്ഷെ, കാലിത്തൊഴുത്തിൽ പശുവിന് പുല്ലുനൽകിയും പച്ചക്കറി തോട്ടത്തിൽ പൂത്ത് നിൽക്കുന്ന തക്കാളിക്കും വെണ്ടയ്ക്കക്കും വളം ഒരുക്കിയും, വെമ്പു ആനന്ദത്തിന്റെ അതിരില്ലാത്ത തലം തേടുന്നു. ആ വിശുദ്ധിയാണ് അനുകരിക്കാനാകുകയില്ല എന്ന് പറഞ്ഞത്. മണ്ണിൽ തൊടാത്ത പണത്തിന് എന്ത് വില എന്നാണ് മത്തളംപാറയിലെ ഒരു വേപ്പ് മരത്തിന്റെ താഴെയിരുന്ന് ലാപ്ടോപ്പിൽ ഒരു കോഡ് എഴുതിക്കൊണ്ട് ശ്രീധർ വെമ്പു ചോദിക്കുന്നത്. അൾട്രാ ലക്ഷ്വറിയിൽ നിന്ന് സ്വൈര്യം തേടി ഗ്രാമത്തിലെത്തിയ സോകോൾഡ് എൻആർഐ ആയിരുന്നില്ല ശ്രീധർ വെമ്പു. കുറഞ്ഞ വേതനത്തിന് പണിക്കാരെ കിട്ടാൻ കോർപ്പറേറ്റ് ഓഫീസ് തമിഴ്നാട്ടിലേക്ക് പറിച്ചുനട്ട ബിസിനസ്സ് കോർപ്പറേറ്റുമല്ല വെമ്പു! അതറിയാൻ മത്തളംപാറയിലേക്ക് തന്നെ പോകണം. ആ ഗ്രാമത്തിൽ അത്യാധുനിക സോഹോ സ്കൂൾ ഓഫ് ലേണിംഗ് വെമ്പു സ്ഥാപിച്ചു. തൻെ ബാല്യകാലത്ത് ചുറ്റും കണ്ട പല മുഖങ്ങളിലുമുള്ള കുട്ടികളെ ആ മനുഷ്യൻ മത്തളംപാറയിൽ കണ്ടു. അതിൽ പല സ്റ്റോറികളും മനസ്സിലെവിടെയോ സ്പർശിക്കുന്നവയാണ്. Subscribe Channeliam YouTube Channels here: Malayalam ►    / channelim   English ►    / channeliamenglish   Tamil ►    / channeliamtamil   Hindi ►    / channeliamhindi   Stay connected with us on: ►   / channeliampage   ►   / channeliam   ►   / channeliamdotcom   ►   / channeliam   ►https://whatsapp.com/channel/0029Va5C...