අමන්ඩාගේ සයිකෝසියානු දවස් Amandage Psychosianu dawas

සමහර නවකතා අපට කතාන්දරයක් කියා දෙනවා. සමහර නවකතා අපට මිනිසුන්ව තේරුම් ගැනීමට උගන්වනවා. "අමැන්ඩාගේ සයිකෝසියානු දවස්" කෘතිය අයත් වන්නේ දෙවැනි ගණයටය, මානසික අක්‍රමිකතාවක් සමඟ ජීවත් වන කාන්තාවකගේ ජීවිතය හරහා, මේ නවකතාව මට බලකළේම " අපි දකින හැසිරීම පිටුපස සිටින මනුෂ්‍යයා දැක ගැනීමට අපට පුළුවන් වෙයිද?" කියලා මගෙන්ම අහන්නයි... මේ කතාවේ ප්‍රධාන චරිතය සමාජය පිළිගන්නා සීමා බිඳ දමනවා. ඇය සම්බන්ධතා ගොඩනඟනවා, ඒවා බිඳ දමනවා, නිවසින් පලා යනවා, මත්පැන් සහ දුම්වැටි භාවිත කරනවා. අවසානයේ ඇය මානසික ප්‍රතිකාර වෙත යොමු වෙනවා. නමුත් මේ සියල්ල දෙස බලද්දී මට මතුවන ප්‍රශ්නයක් තියෙනවා… ඇය තමන්ගේ ජීවිතය වරද්දා ගත් කාන්තාවක්ද? නැත්නම් ඇයගේ හැසිරීම් හරහා උදව් ඉල්ලමින් සිටි කාන්තාවක්ද?