Ange pyhare - Marco de Brix

*FE DE ERRATAS. Autores: Aparicio de los Rìos - Miguel G. Riveros. "Ange pyhare yvága hovy ryakuã yvoty guýpe rohecha ypy mba'e neporãva mborayhu memby chepy'arory añandu ikyrỹi ajávo ndeypýpe romomorãmi mba'éicha rupípa ãicha ndejuky. Márõ nde jave che remimbyasýpe oiméne iporãva ha imarangatúva nde reko yvotýpe kuñataĩmi; nahi'ãipa ndéve che retã memby che ã reraháva ne rembe kyrỹi mborayhu ykuágui chemboy'umi. Pévare ajapo ndéve purahéi ñane avañe'ẽme naimo'ãigui oime ambue ñe'ẽme he'ẽmbochyve; Ha ipype ohypýi che rembiay'uhéi ysapy satĩme aropurahéivo ndéve aropojái mborayhupavẽ. Nahi'ãiko che ku ijaheipy tesaráipe oikóva pévare aju ndéve aropojái che ñe'ẽyvoty; chéko avei ambueichaite aporohayhúva ha ndéve ğuarã che ñe'ã mbytégui péinama ipoty. Ndoje'oiva'erã pe nde pukavy che resa'ỹikuágui romoñe'ẽhápe nderehe ama'ẽvo ange pyhare; Hi'ã roañuã romokunu'ũ ko che jyva ári tove toikuaa mayma ohecháva che vy'apavẽ. Nde ratypykua eirete yvu he'ẽ paha'ỹva yvága poty hory kangymíva nde resa jajái; ha ne ñemonde ryakuã potĩ hyjuipareíva ndejojaha'ỹva máva nde jave kuña Paraguái".