Maktab binosida sifatsiz terilgan gazablok buzdirildi

Toshkent shahar hududiy Qurilish va uy-joy kommunal xo'jaligi nazorati inspeksiyasi xodimi tomonidan Yashnobod tumanida qad rostlayotgan maktab binosi qurilishi obyektida monitoring o'tkazildi. Monitoring jarayonida qurilishda bir nechta qoidabuzarlik holatlari aniqlandi. Xususan, qurilish obyektida chiqindilar to'plangani, to'ldirovchi gazablok devorlar sifatsiz qilib terilgani, shuningdek, mavjud binoni ta'milash jarayonida loyihada eski oq suvoqlarni ko'chirib, undan so'ng bo'yalishi keltirilgan bo'lsada, biroq quruvchilar tomonidan bu jarayon to'laqonli bajarilmagani, ishlar yuzaki qilingani ma'lum bo'ldi. Mazkur qoidabuzarlik holatlari yuzasidan yozma ko'rsatma berildi, shu bilan birga, sifatsiz terilgan gazablok joyida buzdirildi, tasdiqlangan loyiha-smeta hujjatlariga muvofiq amalga oshirilmaagan mavjud binoni bo'yash ishlari vaqtincha to'xtatilib, eski bo'yoqlarini tozalash ishlari boshlandi. ✅Agarda qurilish mas'ullari ushbu yozma ko'rsatma talablarini belgilangan muddatda bartaraf etmasa, ma'muriy javobgarlikka tortilishi haqida ogohlantirildi. Nazorat tadbirlari davom etadi,