[ 沙田至元朗全程單車徑 ] | Full Length Video 8 x Speed | Shatin to Yuen Long Cycleway | 29.08.2020

Hello 大家好，我係Norman。近日見好多車友踩過上水至元朗單車徑，雖然新田至壆圍尚未開通，趁防疫措施放鬆室外運動唔需戴口罩，特別去了壹轉沙田至元朗，儘量踩單車徑。 沙田去上水唔講了，大家都很熟悉，上水去古洞主要是沿著大水管/羅太豆腐花方向就看到上水至元朗單車徑的起點。一直沿單車徑去到青公單車徑變成斷截禾蟲咁，每段只有幾十米，路壆又高。段與段之間要推上行人道，好多人索性踩行人路或馬路。單車徑過了洲頭就終止。由此去壆圍已經建好，但仍然有工人在開工，應該九月可以全面開通。 由黃巴站去石湖圍這段雖然有欄杆，但有個缺口單車可以踩入去，只要唔阻到工人開工應該無問題。石湖圍至米埔段已開通，主要沿著元朗公路，有段長斜。米埔至壆圍段已建好但未開通，有1-2段有缺口可以入去踩下，大部份時間都是踩行人路，最後接駁新壆路單車徑去元朗。