«ՄԵՆՔ ԵՆՔ ՄԵՐ ԾԱՌԵՐԸ»․ արդեն իրականություն

#Armleasing-ը հաջողությամբ իրականացրել է Նորք Մարաշի այգիների վերականգնման ծրագրի իր կարևոր հատվածը։ #Armleasing-ը և «Կանաչապատում և շրջակա միջավայրի պահպանություն» ՀՈԱԿ-ի միջև կնքված համագործակցության շրջանակում քաղաքին հատկացվել է ավելի քան 300 տարբեր տեսակի ծառ, որոնք իրենց տեղն են գտել Նորքի պուրակում՝ դառնալով քաղաքի կանաչ ապագայի կարևոր մասը։ Անվանական ծառեր՝ Երևանի համար: Յուրաքանչյուր տնկված ծառ կրում է անուն՝ դառնալով համայնքի միավորող օղակ։ Այս նախագծով ոչ միայն նպաստել ենք քաղաքի կանաչ գոտիների վերականգնմանը, այլև տվել ենք բնակիչներին հնարավորություն՝ իրենց անունով ծառ ունենալ և անձամբ մասնակցել Երևանի մաքուր ու առողջ ապագայի ստեղծմանը։ ♻️ 𝗘𝗰𝗼𝗹𝗲𝗮𝘀𝗶𝗻𝗴-ի շրջանակներում իրականացված նախագիծը մեր պարտավորությունն է բնության նկատմամբ. 🌿 նվազեցնել օդի աղտոտվածությունը, 🌿 վերակենդանացնել քաղաքային կանաչ տարածքները, 🌿 խթանել սոցիալական պատասխանատվությունն ու համայնքային միասնությունը։ Շնորհակալություն ենք հայտնում բոլորին, ովքեր մասնակցեցին այս բացառիկ ծրագրին։ Նորքի պուրակը՝ կանաչ Երևան ստեղծելու մեր տեսլականի մի մասն է, և դա միայն սկիզբն է։