🔴JESHI LA POLICE WANAOTAKA KUANDAMANA 7// 2026, WATOA TAMKO, WENGINE WAKAMATWA

Jeshi la Polisi Nchini Tanzania kupitia kwa Msemaji wake Naibu Kamishna wa Polisi (DCP) David Misime limesema linafuatilia kwa karibu wale wote wanaohamasisha matukio ya uvunjifu wa amani Nchini kupitia mitandao ya kijamii. "Watu hao awali walikuwa wakihamasishana kufanya maandamano nchini Tarehe saba Julai. Miongoni mwa vitendo wanavyohamasisha sasa ni kufunga barabara, uchomaji moto wa shule ili kusababisha taharuki kwa wazazi na walezi, kushambulia wananchi, kukata watu vichwa na kuua baadhi ya watu, kuharibu mali za umma na binafsi." Imesema taarifa ya Polisi ya leo Juni 19, 2026. Kulingana na Kamanda Misime katika taarifa yake ya leo Ijumaa Juni 19, 2026, watu hao pia wamekuwa wakidiriki kutumia mitandao ya kijamii kuhamasishana kuvamia askari wa Vyombo vya ulinzi na usalama kwa lengo la kuwapora silaha ili kuzitumia kufanya uhalifu wanaoupanga kuufanya Nchini. "Jeshi la Polisi linapenda kusisitiza kuwa uhamasishaji wa uhalifu huo wa kijinai unaofanywa chini ya kivuli cha maandamano haukubaliki kwasababu ni kinyume na sheria za Nchi, misingi ya utawala wa sheria, pamoja na mikataba ya Kikanda na Kimataifa na ni hatari kwa usalama wa Nchi." Amesema Kamanda Misime. Polisi imesisitiza kwamba hakuna haki ya kuhamasisha kufanya vitendo vya uhalifu kama vinavyokusudiwa kuhatarisha usalama wa maisha ya watu na mali zao na vinavyokiuka haki za watu wengine kwa kuwajengea hofu kila siku na kutaka kuwanyima uhuru wao wa kufanya shughuli zao za kila siku za kujitafutia kipato. Kamanda Misime kadhalika ametoa wito kwa wananchi wote kwa umoja wao kuendelea kushirikiana katika kukataa na kupinga vitendo vyote vya kihalifu vinavyolenga kuhatarisha maisha ya wananchi, mali zao na mali za umma na amani ya Nchi, Polisi ikimtaka kila mmoja atakayepokea ujumbe wa hamasa ya kushiriki kwenye uhalifu kutousambaza ujumbe huo na badala yake waufute na kutoa taarifa kwenye vyombo husika ili hatua zichukuliwe. Polisi kadhalika imewahakikishia wananchi wote kuwa hali ya usalama Nchini itaendelea kuwa shwari, yenye amani, utulivu na usalama kwani vitaendelea kulindwa na kudumishwa kwa ushirikiano wa karibu