Soartea a armãnjilor

MITU AROIBU (1960, hoara Dubrushana, ninga Shtip, Makidunia Aratsili/di Nordu) SOARTEA A ARMÃNJILOR Plãndzi Pindul, lãcãrmeadzã, Iu-su Armãnjilji sh-cum bãneadzã? Nu nj shtiu cã tse fudzirã, Vahi pi mini s-nãrãirã? Nu-ari stani, casã sh-vatrã Nu sun’ sh-cãnjilji ta s-alatrã, Oi cu clopatli s-asunã Elji cupia ts shi-u-adunã. Sãrbãtorli aoa yini sh-trecu, Coru di feati iuva nu vedu. Lele-nj shtits cumu fu nãoarã; Gionjilji tuts tu mes’ di hoarã! Nu-ari sh-furi cã ta s-ashteaptã Cãrvãnarlji calea s-treacã Tutã pãrmãtia s-lã-u lja Sh-malãma tsi elji avea. Gri Grãmustean, cã nu-aravdã: O,lai, Pindu, nu ti-alavdã Tora Gramustea-anj tsã spunã Soartea-Armãnjiloru fu nibunã! Armãnjilji bana-alãxirã, Sh-di la mini elji fudzirã, Pritu Balcanu suntu-asprãndits Cu-alanti millets sun’ mintits! Amãrtii mari-adrarã, Xeani numi elji bãgarã, Xeani limbi shi zburãscu, Sh-Armãneasca-u pãryisescu. Ma nu plãndzi sh-nu suschirã, Pindu, cã vedu sh-si duchirã, Voru ca-Armãnjilji ta s-bãneadzã, Sh-has ca Foenix sã-nyiadzã!