गांजे ढेकाळे जंगलात मोठ्या प्रमाणात खैराची कत्तल वनविभागाचे दुर्लक्ष? ग्रामस्थांची कारवाईची मागणी !

 पालघर तालुक्यातील गांजे ,खैर तस्कराला पकडण्यासाठी जीव धोक्यात घालणाऱ्या वन मजुरालाच खैर तस्करी प्रकरणी आरोपी करण्यात आल्याने वनविभागाच्या कार्यपद्धती विरोधात स्थानिक ग्रामस्थांमध्ये संतापाचे वातावरण निर्माण झाले आहे. चोर सोडून संन्याशाला फाशी दिले या म्हणीप्रमाणे  प्रकार पुढे आला असून याबाबत सखोल चौकशी केली तर पूर्ण सत्य बाहेर येईल !  दहिसरच्या वनपरिक्षेत्र अधिकारी नम्रता हिरे यांच्या कार्यकाळात खैर तस्करीत मोठी वाढ झाली असून हजारोंच्या संख्येत खैराच्या झाडांची कत्तल झाल्याचा आरोप ग्रामस्थांनी  केला आहे.मनमानी पद्धतीने काम करणाऱ्या वनपरिक्षेत्र अधिकाऱ्यांवर कारवाईची मागणीही गांजे  गावच्या ग्रामस्थांकडून करण्यात आली आहे.  शासनाचा करोडो रुपये वन विभागाच्या कर्मचारी व अधिकाऱ्यांवर पगारासाठी खर्च होत असतो पण जंगलात झाडेच राहिली नाही तर भविष्यात हा करोडो रुपये पगार होणारा खर्च महाराष्ट्र वन विभाग महाराष्ट्र सरकारला परवडेल का?  जाणून घेऊया सविस्तर बातमी पत्र  वर्षाच्या पहिल्या दिवशी रात्र गस्तीवर असताना 1जानेवारी पहाटे साडे पाच वाजताच्या सुमारास वनविभागाच्या भाताने वनपरिक्षेत्राचे शिपाई पाडवी,वन मजूर सुदाम धोत्रे आणि सीताराम कोळेकर यांच्या अंगावर खैर तस्करी करणाऱ्या टेम्पो चालकाने गाडी घालून टेम्पो पळवुन नेला होता.जीव वाचवण्यासाठी कर्मचाऱ्यांनी पाटबंधारे विभागाच्या कालव्याच्या पाण्यात उड्या मारल्या होत्या.त्यानंतर वनविभागाच्या कर्मचाऱ्यांनी दहिसर गस्ती पथकाच्या वाहनाने टेम्पोचा पाठलाग सुरू केला होता.टेम्पोतून पडणाऱ्या ऑइलचा माग काढत वनविभागाचे कर्मचारी हालोली गावच्या हद्दीत बनास हॉटेलच्या पार्किंगमध्ये उभ्या केलेल्या टेम्पो जवळ पोहोचले होते.  टेम्पो जवळ पोहीचलेल्या वनविभागाच्या कर्मचाऱ्यांना पाहून टेम्पो चालकाने धूम ठोकून पळ काढला होता. परंतु वनविभागाच्या कर्मचाऱ्यांसह असलेल्या वन मजुर सुदाम धोत्रे याने पळणाऱ्या टेम्पो चालकाला पाठलाग करून मोठ्या शिताफीने ताब्यात घेतले होते.31 खैराच्या ओंडक्यांसह टेम्पो जप्त करून टेम्पो चालकावर गुन्हा दाखल करण्यात आला होता. गुन्ह्याच्या तपासा दरम्यान वनविभागाच्या कर्मचाऱ्यांनी खैर तस्करी मध्ये सहभागी असणाऱ्या चार आरोपींना ताब्यात घेतले होते.न्यायालयाकडून आरोपींना जमीन मंजूर करण्यात आला आहे.खैर तस्करी प्रकरणातील अन्य संशयित आरोपी फरार असल्याची माहिती खात्रीलायक सूत्रांकडून मिळाली आहे.  सदर माहिती घेण्यासाठी दहिसर परिक्षेत्र वन विभागाच्या कार्यालयात गेल्यानंतर मात्र कर्मचाऱ्यांना याबाबत माहिती नसल्याचे त्यांनी सांगितले दहिसरच्या वनपरिक्षेत्र अधिकारी नम्रता हिरे यांना विचारले असता मी आजारी असून हॉस्पिटलमध्ये असल्याचे सांगितले, त्यामुळे माहिती मिळाली नाही, त्यामुळे वनविभागाची बाजू पुढील भागात बघा !  मोठ्या प्रमाणावर खैराची चोरी हे प्रकरण गंभीर असून याकडे वनविभागाचे वरिष्ठ अधिकाऱ्याने लक्ष देणे गरजेचे आहे,