23 шілде Құрылтай сайлауының үгіт-насихат жұмыстары басталады

Ертең, яғни 23 шілде Құрылтай сайлауының үгіт-насихат жұмыстары басталады. Демек, үкіметкерлер мен 145 мандатты сарапқа салғалы отырған жеті партияның мүшелері өңір-өңірлерді аралап, халықпен кездесіп, сайлаушыларына бағдарламаларын таныстыруға тиіс. Маңыздысы да осы дейді сарапшылар. Себебі, саяси ұйымдар үшін әр дауыс құнды. Сондықтан бұл науқан тартыс пен бәсекеге толы болады деп отыр. Бұл науқан бұрынғы сайлаулардан өзгерек. Себебі, орталық сайлау комиссиясы бекіткен 546 кандидаттың тек 51-і ғана өткен шақырылымдарда депутат болған. Яғни, тізімге енген тұлғалардың 90 пайызы жаңа есім. Сәйкесінше, оларға артылған сенім де, жауапкершілік те мол. Сондықтан әр үміткер заң шығаруға Құрылтайға өткен соң араласамын деп емес, керісінше, қоғамның сұранысын қанағаттандырар идеясы мен балталасаң да бұзылмас бағдарламасымен келуге тиіс. РИЗЗАТ ТАСЫМ, саясаттанушы: Қазір сайлаушылар партиялардан радикалды, ойға сыйымсыз немесе популистік бағыттағы бағдарламамен немесе ұсыныстарды күтпейді. Керісінше, нақтылы әлеуметтік-экономикалық салалардағы мәселелерді шешуді күтіп отыр. Әсіресе, инфляция деңгейі, одан бөлек әлеуметтік-экономикалық жағдайды жақсаруына байланысты, одан бөлек жемқорлықтың жойылуының механизмдерін ұсынса деген қарапайым нақтылы сұраныс көрсетіп отыр. Әрі саясаттанушы партиялардың стратегиясы да өзгерген деді. Оған тізімге енген үміткерлер ішінде қоғамға белгілі тұлғалардың аздығы дәлел болып отыр. Яғни, саяси ұйымдар жекелеген тұлғалардан гөрі, топтық жұмысқа, институционалдық бірізділікке ұмтылып жатыр. Бұл партиялық тізімнің сапасын аңғартып тұр. Ол заңды да. Мәселен, сарапшы Елдос Жұмағұлов Құрылтайға өту үшін кәсіби маман болу аз дейді. Өйткені, мықты заңгер не экономист мықты депутат деген сөз емес. Сондықтан ойын ашық, бастысы түсінікті тілде жеткізе алуы маңызды. ЕЛДОС ЖҰМАҒҰЛОВ, саясаттанушы: Қоғаммен араласып, халықтың ішінде болып, қандай проблема бар, ауылда қандай проблема, жастарда қандай проблема, экономикада қандай проблема, кәсіпкерлерде қандай проблема соны зерттеу. Екіншіден, соны білдіретін көрініс табатын бағдарлама ұсыну, түсінікті, иә, кәдімгілей абстрактілі емес, қолжетімді. Сол үшін күресу керек ойлаймын партиялар соны іске асыру үшін. Келесі ол айқын көріп отырмыз. Ол рекруттеу. Яғни, кадрларды дайындау. Сондай-ақ Құрылтай депутаттары заңдарға бастамашылық ету деңгейін жақсартуға міндетті дейді сарапшылар. Мәселен, 8-шақырылымдағы 350-ге жуық заң жобасының 106-сы халық қалаулыларының еншісінде. Ал оған дейін Үкіметтің ұсынысымен қабылданған заңдар көрсеткіші тіпті 90 пайызға дейін жеткен. Демек, Парламенттің ықпалы тікелей заң шығарудағы бастамасына қатысты болмақ. #Информбюро #31арна #БастыЖаңалықтар #Новости #31канал