MBUNGE NGAJILO ABAMIZA MEZA: AITAKA SERIKALI KUHARAKISHA BYPASS MLIMA IPOGOLO

Mbunge wa Jimbo la Iringa Mjini (CCM), Mhe. Fadhili Ngajilo, ameiomba Serikali kupitia Wakala wa Barabara (TANROADS) kuongeza kasi ya ujenzi wa barabara ya mchepuo (Bypass) ili kukomesha kero ya msongamano na ajali za mara kwa mara katika Mlima Ipogolo. ​Akizungumza kwenye Kikao cha Ushauri cha Mkoa (RCC), Mhe. Ngajilo ameeleza kukerwa na usumbufu wa muda mrefu unaowapata wasafiri na wafanyabiashara, jambo linalorudisha nyuma uchumi wa wakazi wa Iringa. Amesema Bypass hiyo ndiyo suluhisho pekee la kupunguza mzigo wa magari makubwa yanayopita katikati ya mji. ​ Akijibu hoja hiyo, Mkuu wa Mkoa wa Iringa, Mhe. Kheri James, amewahakikishia wakazi kuwa Serikali imeshaelekeza nguvu na rasilimali zote kukamilisha mradi huo wa kimkakati. ​RC James amebainisha kuwa barabara hiyo ya mchepuo ni kipaumbele cha Serikali katika kuboresha usalama wa barabara na kuchochea maendeleo ya kiuchumi ndani ya Manispaa ya Iringa na mkoa kwa ujumla. #furahaupdates #radiofurahafmmedia #elct_iringa