أول أزمة هتظهر حقيقتك قائد هادي ولا مدير بيزعق؟

أول أزمة في الشغل هتكشف حقيقتك كمحاسب هل أنت شخص بيتحرك ويفكر بهدوء ولا أول ما المشكلة تظهر بتتوتر وبتوقف التيم كله معاك في الفيديو ده مستر معتز الشافعي بيتكلم عن مهارة من أهم المهارات اللي أي محاسب محتاجها لو عايز يكبر في الكارير Crisis Management بس مش من زاوية الكتب والتعريفات من زاوية الواقع اليومي اللي كلنا بنشوفه في الشركات يعني إيه تبقى Proactive مش معناه إنك لازم تحل كل مشكلة لوحدك ومش معناه إنك لازم تدخل على مديرك ومعاك الحل النهائي بس معناه إنك تتحرك تحاول تاخد خطوات ما تفضلش واقف مكانك مستني حد يجي ينقذك الفاتورة متأخرة والمورد وقف التوريد مستني مين ياخد القرار لو عندك Empowerment اتحرك اسأل تابع جرب توصل لحل حتى لو ماوصلتش للحل الكامل فأنت على الأقل ماوقفتش مكانك وده الفرق بين محاسب بيستنى المشكلة تكبر ومحاسب بيبدأ يتصرف قبل ما الأزمة تاكل وقت الشغل كله مستر معتز بيشرح إن Crisis Management مش بس لجنة بتتعمل وقت الأزمات الكبيرة زي اللي حصل في شركات كتير أيام كوفيد لما اتكونت فرق فيها إدارة ودكاترة ومهندسين علشان يشوفوا البزنس هيكمل إزاي لكن كمان Crisis Management هي سلوك يومي إزاي تتعامل لما الدنيا تضغط إزاي تاخد قرار وأنت هادي إزاي ما تنقلش توترك لكل اللي حواليك لأن في مديرين أول ما مشكلة تحصل يبدأوا يزعقوا شكوى من عميل غلطة في تقرير تأخير في إجراء نقص في معلومة تلاقيه بدل ما يدير الموقف يبدأ يكهرب التيم كله والحقيقة إن ده غالبا معناه حاجة من اتنين يا إما المهارات ناقصة يا إما البوزيشن أكبر من قدرته الحالية لأن الشخص اللي مش قادر يدير نفسه وقت الأزمة هيعرف يدير الناس إزاي وقت الأزمة محتاج Calm Management قبل أي حاجة محتاج هدوء محتاج تفكير محتاج قرار لأنك لو اتوترت مش هتعرف تاخد قرار صح ولو وترت التيم كله القرارات اللي بعدها كمان هتقع وده مهم جدا للمحاسبين تحديدا لأن شغل المحاسبة والفاينانس مليان مواقف ضغط Deadline قافل Audit طالب مستندات Management محتاجة تقرير بسرعة مورد موقف تعامل Customer عنده Complaint رقم مش راكب في Reconciliation وفي اللحظات دي الفرق الحقيقي مش بيكون بس في التكنيكال الفرق بيكون في السلوك هل هتفضل هادي وتفكر وتتحرك ولا هتتوتر وتزعق وتضيع وقت الفريق الهدوء مش معناه إنك بارد والتحرك مش معناه إنك متهور الهدوء معناه إنك قادر تمسك نفسك وقت الضغط والتحرك معناه إنك فاهم إن دورك مش إنك تشتكي من المشكلة دورك إنك تبدأ تتعامل معاها ومهارة إدارة الأزمات مش موهبة ثابتة دي Skill ممكن تتعلمها وتكتسبها مع الوقت والتجربة زي ما مستر معتز قال إنما العلم بالتعلم وإنما الحلم بالتحلم لو أنت محاسب وعايز تطور نفسك مش بس في التكنيكال لكن كمان في طريقة التفكير والسلوك المهني اللي يخليك جاهز لمناصب أكبر ابعتلنا رسالة دلوقتي واعرف إزاي Business Mentors تقدر تساعدك تبدأ طريقك باحتراف Business Mentors أكتر من مجرد كورس شريك نجاحك #Business_Mentors #معتز_الشافعي #محاسبين #Accounting #Finance #Crisis_Management #Leadership #اكتر_من_مجرد_كورس #شريك_نجاحك