பாடம் 27 - "இரண்டு கடனாளிகள்” லூக்கா 7:36-39; (The Parable of The Two Debtors) கிறிஸ்துவின் உவமைகள்

இந்தச் சம்பவத்திலிருந்து நாம் கற்றுக்கொள்ளும் 15 முக்கியப் பாடங்கள்: 1. இயேசு எல்லாவற்றையும் அறிந்தவர்: சீமோனின் மன எண்ணங்களை அறிந்ததன் மூலம் இயேசு இதை நிரூபித்தார். 2. நாம் இயேசுவைச் சரியாக நடத்துகிறோமா?: சீமோன் இயேசுவைத் தன் வீட்டிற்கு அழைத்தும் அவரைச் சரியாக நடத்தவில்லை. நாம் அவரை நம் வாழ்வில் அழைத்த பிறகு எப்படி நடத்துகிறோம்? 3. பாவம் வேதனையானது: அந்த ஸ்திரீயின் வாழ்வில் பாவத்தின் வேதனையைக் காண்கிறோம், ஆனால் பாவமன்னிப்புக்குப் பின் எல்லாம் நன்மையாக மாறியது. 4. மற்றவர்களைக் குறைத்து மதிப்பிடுதல்: அந்தப் பரிசேயன் (சீமோன்) இயேசு எப்படி அந்த ஸ்திரீயின் அருகில் இருக்க முடியும் என்று அவளைக் கேவலமாக நினைத்தான். 5. தேவன் மீது நன்றி உள்ளவர்களாக இருக்க வேண்டும்: "அவர் முதலில் நம்மிடம் அன்புகூர்ந்ததால் நாமும் அவரிடம் அன்புகூருகிறோம்" (1 யோவான் 4:19). 6. இயேசு நம் எண்ணங்களை அறிகிறார்: இயேசு நம் எண்ணங்களை அறிந்தால் நம் நிலை என்ன? ஒருவனுடைய இருதயத்தின் எண்ணங்கள் எப்படியோ, அவன் அப்படியே இருக்கிறான். 7. இரட்சிப்பின் பின்பே சமாதானமும் மகிழ்ச்சியும் வரும்: இன்று மக்கள் மகிழ்ச்சியைத் தேடி அலைகிறார்கள், ஆனால் அதை எங்கு தேட வேண்டும் என்று அவர்களுக்குத் தெரியவில்லை. 8. விலையேறப்பெற்றதைக் கொடுத்தல்: அந்த ஸ்திரீ அந்த நேரத்தில் தன்னிடம் இருந்த மிகவும் விலையுயர்ந்த பொருளை இயேசுவுக்குக் கொடுத்தாள். நீங்கள் இயேசுவுக்காக எதைக் கொடுக்கிறீர்கள்? 9. மிகுந்த அன்புகூருதல்: அவள் மிகுதியாக அன்புகூர்ந்தாள்; நாம் இயேசுவை எந்த அளவுக்கு நேசிக்கிறோம்? 10. வாழ்வதற்கான காரணம்: இயேசு அவளுக்கு வாழ்வதற்கான காரணத்தைக் கொடுத்தார். "உன் பாவங்கள் மன்னிக்கப்பட்டது, சமாதானத்தோடு போ" என்றார். 11. தேவனிடம் நமக்குள்ள கடன்: பாவிகளாகிய நாம் தேவனுக்குப் பெரிய கடனாளிகள். இயேசுவின் சிந்துதிய இரத்தம் இல்லாமல் நம்மால் இந்தக் கடனை அடைக்க முடியாது. 12. அன்பே மிகச் சிறந்த குணம்: தேவனுக்கான நம்முடைய நன்றியுணர்வு அன்பிலிருந்தே வளர வேண்டும். 13. பாவத்திற்கான விலையை மனிதனால் கொடுக்க முடியாது: பாவத்திற்காக தேவனுக்குச் செலுத்த மனிதனிடம் எதுவும் இல்லை. 14. இயேசுவே பதில்: சிலர் மற்றவர்களை விட அதிக பாவத்தில் மூழ்கியிருக்கலாம், ஆனால் அதற்கான பதில் இயேசுவிடம் மட்டுமே உள்ளது. 15. இயேசுவின் தேவை: இயேசுவுக்கு விருந்து கொடுப்பது வேறு, அவசரத் தேவையாக அவரை உணர்வது வேறு. சீமோன் விருந்து கொடுத்தான், ஆனால் அவனுடைய தேவையை உணரவில்லை.