POK യിൽ യഥാർത്ഥത്തിൽ സംഭവിക്കുന്നത് ഇതാണ് . സസൂക്ഷ്മം നിരീക്ഷിച്ച് ഭാരതവും

ഇപ്പോൾ പാകിസ്ഥാൻ അധിനിവേശ കശ്മീരിലെ റാവലകോട്ട്, മുസാഫറാബാദ്, മിർപൂർ തുടങ്ങിയ തന്ത്രപ്രധാന മേഖലകളിൽ നിലവിൽ പുകയുന്ന ആഭ്യന്തര പ്രക്ഷോഭങ്ങളും ഭരണകൂടവിരുദ്ധ ജനകീയ മുന്നേറ്റങ്ങളും ഈ പരമ്പരാഗത ധാരണകളെ പൂർണ്ണമായി തിരുത്തിക്കുറിക്കുന്നതാണ്. ഈ പ്രദേശങ്ങളിലെ അശാന്തിക്ക് കാരണം പാകിസ്ഥാന്റെ സ്വന്തം രാഷ്ട്രീയ ചരിത്രവും കേന്ദ്ര ഭരണകൂടവും അതിന്റെ പ്രാന്തപ്രദേശങ്ങളും തമ്മിലുള്ള ആഴത്തിലുള്ള ഭിന്നതകളും ജനങ്ങളുടെ കടുത്ത അമർഷവുമാണെന്ന് വ്യക്തമാക്കുന്നതാണ് പുറത്തുവരുന്ന റിപ്പോർട്ടുകൾ. അധിനിവേശ കശ്മീരിൽ രൂപംകൊണ്ട 'ജോയിന്റ് അവാമി ആക്ഷൻ കമ്മിറ്റി' (JAAC) നയിക്കുന്ന രാഷ്ട്രീയ മുന്നേറ്റങ്ങളെയും ജനകീയ പ്രതിഷേധങ്ങളെയും എക്കാലത്തെയും പോലെ ബാഹ്യശക്തികളുടെ ഇടപെടലോ, വിദേശ ഗൂഢാലോചനയോ അല്ലെങ്കിൽ പ്രതിപക്ഷ പാർട്ടികളുടെ രാഷ്ട്രീയ നാടകങ്ങളോ ആയി ചിത്രീകരിക്കാനാണ് ഷെഹ്ബാസ് ശരീഫ് ഭരണകൂടം എപ്പോഴും ശ്രമിക്കാറുള്ളത്. എന്നാൽ വസ്തുതകൾ പരിശോധിച്ചാൽ ഈ പ്രക്ഷോഭങ്ങൾക്ക് പിന്നിലെ കാരണങ്ങൾ പൂർണ്ണമായും പ്രാദേശികമാണെന്ന് മനസ്സിലാക്കാൻ സാധിക്കും. #pakistan #pok #pakistanoccupiedkashmir #rawlajot #muzaffarabad #mirpur #jaac #jointawamiactioncommittee #shehbazsharif #humanrights #economiccrisis #regionaldisputes #southasianeighbors #borderissues #tatwamayinews