Rruga e Krastës shqetesimi më i madh për banorët e Martaneshit - Bulqiza Tv

#bulqize #krom #tvbulqiza #kraste #martanesh #rruge #btv #btvnews Gjendja e rrugës Qaf Buall – Krastë vijon të jetë shqetësimi më i madh për banorët e Njësisë Administrative Martanesh. Ky aks rrugor është i gjatë 16 kilometra, por që kalohet me vështirësi në çdo stinë të vitit. Për shkak se ai është thuajse i gjithi i paasfaltuar, mjetet e kanë të vështirë të qarkullojnë në të. Edhe pse mbushen gropat me zhavor, sapo të ketë reshje shirash ato rikthehen për shkak se kalojnë me dhjetra automjete që transportojnë krom nga minierat e Martaneshit në drejtim të Durrësit. Por jo vetëm kaq, gjendja e përgjithshme e kësaj rruge është e pasigurtë për përdoruesit e saj. Këtë fakt e tregojnë edhe një numër i madh lapidaresh që janë ndërtuar në të 16 kilometrat e saj. Në këtë rrugë janë shënuar në kohë të ndryshme mbi 30 viktima si pasojë e aksidenteve rrugore. Banorët e Krastës paralajmërojnë se nëse nuk ndërhyhet në infrastrukturë, ata do të shkojnë drejt bojkotit të zgjedhjeve lokale që do të mbahen me 14 Maj të këtij viti. Muharrem Mali është kryetar i fshatit Ndërfushas. Ai thotë se jo vetëm gjendja e rrugës kryesore e Martaneshit është e tillë, por edhe e fshatrave. Mali shprehet se nëse nuk ndërhyhet në infrastrukturën rrugore, atëherë ai bashkë me banorët e tjerë, nuk do të marrin pjesë në zgjedhjet vendore. Për banorët e Martaneshit zgjidhja e vetme për rrugën kryesore është asfaltimi i saj, vendosja e barrierave mbrojtëse metalike dhe dhe rrjetave që pengojnë rënien e gurëve. Për më shumë informacione vizitoni faqen tonë web: https://www.btvnews.al/ Videot e fundit nga Tv Bulqiza i gjeni në faqen:    / @bulqizatv   Follow Tv Bulqiza në Facebook:   / bulqizatv   Follow Tv Bulqiza në Instagram:   / bulqizatv   Follow Tv Bulqiza në Twitter:   / btvnews1998   Follow Tv Bulqiza në TikTok:   / btvnews.al