老婆豪言得閒生幾多個都得 黃嘉樂笑言婚後要努力賺錢

老婆豪言得閒生幾多個都得 黃嘉樂笑言婚後要努力賺錢 #黃嘉樂 同圈外女友 #Samantha江惠賢 喺19日 #拉埋天窗 結成夫妻，一眾「鐵馬家族」嘅演員擔任兄弟團， @馬國明 @唐詩詠 @楊潮凱 @許家傑 @林子善 @李天翔 同 @陳偉洪，就一早就同着住中式禮服嘅新郎哥黃嘉樂嚟到酒店接新娘兼斟茶。 雖然身為兄弟，但係詩詠事前已經講到明會倒戈幫親娘子，呢日佢哋同嘉樂影相嗰陣，詩詠仲扭住對方耳仔，似係叫嘉樂婚後要乖乖聽老婆話。送愛女出嫁嘅江媽媽，就為囡囡戴上多雙龍鳳金鈪，同埋寓意早生貴子嘅金豬頸鏈，而嘉樂就喺一眾親友見證下，單膝跪地對於老婆講出愛的宣言添！ 晚上一對新人換上西式婚紗禮服見傳媒，喺兄弟團嘅起哄下，嘉樂咀足老婆20秒。講到朝早接新娘嘅情況，嘉樂就自爆講愛的宣言嗰陣，自己讀到第二句就已經忍嗰住喊，然後仲搞喊埋老婆添。問到佢哋造人大計？嘉樂就話要睇老婆Samantha意願，而Samantha就話要睇奶奶意願，不過再問係咪生幾多個都OK？Samantha搞笑咁話：「我得閒嘅。」仲叫老公要畀心機搵錢。 兄弟團成員之一嘅馬國明，前日先講過話有結婚計劃，呢晚喺婚宴上當然會被大家追問啦！兄弟團做訪問嗰陣，許家傑就即刻問馬國明幾時到佢，馬國明笑住話總之到佢嘅時候就會同大家講。之後湯洛雯亦到達婚宴現場，佢同馬明再次被問到係咪嚟飲之餘，亦係為佢哋未來嘅婚禮做參考？靚湯即刻話今日主角係嘉樂同Samantha，所以就唔講住，下次先再同大家分享呀！ #黃嘉樂 #Samantha #江惠賢 #結婚 #馬國明 #湯洛雯 #TVB #娛樂新聞 #TVB娛樂新聞台 #ENews #HK E News #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0