馬國明湯洛雯甜到漏訪問 唔介意女友肥瘦

馬國明與湯洛雯分別代表《隱形戰隊》以及《OPM》亮相《無綫節目巡禮2022》紅地氈，二人大方雙雙受訪，靚湯以新髮型及花裙上陣，問馬明會否覺得她瘦了及靚了？他笑言靚瘦都不一定靚，最重要是無病無痛。而靚湯自爆日前跣落樓梯受傷擦損，被身邊人取笑是否遭家暴，媽咪更著馬明要「睇住她」。而馬明被女友指拍打戲受傷周身損，他指打鬥戲是難免但都是小傷，不似女友是「慣性拗柴」。問是否互相捽藥酒？靚湯笑言未到此地步，但痛幫男友接膊頭穴位，馬明則笑言：「我可以做是扶住她，令她好似老人家、好似有咗！」靚湯笑指他亂講等下大家又誤會。 問馬明會否聽伯母話將靚湯娶回家睇住？靚湯笑言未講到娶字，只是多照看她，馬明指女友都有一個人的時間，靚湯笑指換了齊蔭髮型看起來細個了，被馬明取笑襯起她的智商，馬明即笑記：「襯她性格細路女是好事，她有天真心境，我媽咪也一樣是細路女，個性好樂觀，的確會健康些。」問靚湯因此與伯母好傾？她指對方很易相處，問對方視她新抱？靚湯笑言要問對方，而她視她為尊敬的人、親愛的人的媽咪。 #馬國明 #湯洛雯 #無綫節目巡禮2022 #星島娛樂