Berhemek nû ji bo bîranîna Şehîdên 14 Tîrmehê

BERHEMEK NÛ JI BO BÎRANÎNA ŞEHÎDÊN 14 TÎRMEHÊ Hunermendên girêdayî Tevgera Çand û Hunerê bi sponsorîya Art Recordsê ji bo salvegera çalakiya mezin a Rojiya Mirinê ya 14ê Tîrmehê amadekariya klîbekê dikin. Berhema ku helbesta wê ji aliyê Hekîm Sefkan ve hatiye nivîsîn ji aliyê Gulîstan Çiya Îke, Hekîm Sefkan, Sînan Asya, Talat Ekinci, Tarik Demir û Firat Baran ve hatiye xwendin. Helbesta ku cîh dide gotinên ji devê şehîdên Rojiya Mirinê yên weke Xeyrî Durmuş, Kemal Pîr, Akîf Yilmaz û Alî Çîçek rewşa zindana Amedê û helwesta berxwedêran radixe ber çavan. Dîmenên klîba vê xebata ku ji aliyê Art Records Produksiyonê ve tê birêvebirin ji aliyê Komeleya Sînema ya Rojhilata Navîn ve bi derhêneriya Metîn Ewr li Platoya Zindana Amedê hatiye kişandin. Muzîka klîbê jî ji aliyê Mazlûm Rewşen ve hatiye amadekirin. Helbestvan Hekîm Sefkan derbarê berhemên de ev tişt anî ziman: Her çiqas di lîteratura têkoşînê de ev çalakî weke Rojiya Mezin a Mirinê tê binavkirin jî, ji ber ku wan di rêya jiyanek nû de ev çalakî kirine min navê vê helbestê danî “Rojiya Jiyanê". Min xwest bi vê helbestê gotinê û têkoşîna wan pakrewanan careke din zindî bikim. Berhema ku niha di montajê de ye tê payin ku di 14 Tîrmehê salvegera vê çalakiya dîrokî de li ser medya dîjîtal were parvekirin. Ji bo bernameyên nû û taybet bibin aboneyê kanalên me; İnstagram: instragram.com/artrecordsmusic Tiktok: tiktok.com/@Artrecordsmusic Youtube: / artmedya #14tirmeh #Stername #HekimSefkan #artrecords #kurd #ZindanaAmedê