សូមជូនរឿង អ្នកខ្លាំងគ្មានគូប្រៀប (ភាគ1)

🎬 សេចក្តីសង្ខេបសាច់រឿងភាគទី១ ប្រវត្តិរបស់តួឯក ឈីន គ័ន (Qin Guan)៖ គាត់គឺជាយុវជនដែលបានឆ្លងភពមកកាន់ពិភពវេទមន្ត។ ទោះបីជាអ្នកដទៃមើលងាយគាត់ថាមិនអាចប្រមូលផ្ដុំថាមពលវិញ្ញាណបាន (គ្មានក្បាច់គុនវេទមន្ត) ប៉ុន្តែការពិតកម្លាំងកាយ និងក្បាច់គុនរបស់គាត់បានហាត់ដល់កម្រិតកំពូលទៅហើយ។ ការចាកចេញរបស់លោកគ្រូ៖ លោកគ្រូរបស់គាត់ត្រូវឡើងទៅឋានលើ ដើម្បីតាមរកប្រពន្ធ។ មុនពេលទៅ គាត់បានបន្សល់ទុកនូវសំបុត្រអាពាហ៍ពិពាហ៍មួយ ដែលជាការសងជំងឺចិត្តទៅកាន់គ្រួសារត្រកូល ណាន (Nan) នៅឈីងចូវ (ដោយសារលោកគ្រូធ្លាប់ជ្រុលដៃសម្លាប់មេគ្រួសារគេកាលពី ១២ ឆ្នាំមុន)។ លោកគ្រូក៏បានផ្ដល់អាវុធទិព្វ និងចេតិយអាថ៌កំបាំងមួយឲ្យ ឈីន គ័ន ថែរក្សាផងដែរ។ ការបង្ហាញខ្លួនដ៏អស្ចារ្យ៖ ឈីន គ័ន បានចុះពីលើភ្នំដោយលីអីវ៉ាន់យ៉ាងធ្ងន់ (មើលទៅដូចជាលីភ្នំ) ដែលធ្វើឲ្យមានការរញ្ជួយដី និងធ្វើឲ្យអ្នកជុំវិញខ្លួនភ្ញាក់ផ្អើលយ៉ាងខ្លាំង។ ការមើលងាយ និងការបដិសេធ៖ ពេលទៅដល់ផ្ទះត្រកូលណាន ពួកគេយល់ច្រឡំថា ឈីន គ័ន ជាមនុស្សធម្មតាដែលគ្មានក្បាច់គុន។ កូនស្រីឈ្មោះ ឆាវអឺ (Chao'er) ដែលទើបតែដាស់កាយាវិញ្ញាណបានសម្រេច បានបដិសេធដាច់អហង្ការមិនព្រមរៀបការជាមួយគាត់ឡើយ ព្រោះខ្លាចខូចអនាគតខ្លួនឯង។ ការរុញទូកបណ្ដោយទឹក៖ ដោយសារតែមិនហ៊ានផ្តាច់កិច្ចសន្យា ឪពុកម្ដាយត្រកូលណាន ក៏បានបង្ខំរុញកូនស្រីម្នាក់ទៀតឈ្មោះ រ៉ូវអឺ (Rou'er) ឲ្យមករៀបការជំនួស។ រ៉ូវអឺ កំពុងតែរងទុក្ខដោយសារជំងឺជាតិពុលត្រជាក់ចូលដល់ឆ្អឹង ដែល ឈីន គ័ន មើលដឹងភ្លាមៗថានាងរស់បានមិនដល់ ៥ ថ្ងៃទៀតនោះទេ។