İşsiz və işaxtaran kimi qeydiyyata durmaq üçün nə etmək lazımdır?

Vətəndaş işsiz və işaxtaran kimi qeydiyyata durmaq üçün nə etməlidir? 15 yaşı tamam olmuş hər bir şəxs e-sosial.az portalı vasitəsilə "Məşğulluq" altsistemində işaxtaran kimi qeydiyyatdan keçə bilər. Müraciət qeydə alındıqdan sonra məlumat işaxtaranın elektron kabinetində yerləşdirilir və bu barədə vətəndaşın mobil telefonuna bildiriş göndərilir. İşaxtaran kimi qeydiyyata alınmış şəxsə 5 iş günü müddətində münasib iş təklif etmək mümkün olmadıqda və ya işəgötürən göndəriş verilmiş vakansiyanı qəbul etməkdən imtina etdikdə, eləcə də hərəkətsizliyi halında həmin şəxsin işsiz kimi qeydiyyata alınması barədə qərar qəbul olunur. Bundan başqa vətəndaşlar DOST mərkəzlərinə və ya Dövlət Məşğulluq Agentliyinin yerli struktur bölmələrinə müraciət edərək işaxtaran kimi qeydiyyatdan keçə bilərlər. #ƏƏSMN #DOSTAgentliyi #SualCavab