ఇతడుండగా మనకిక దిగులేల / ITHADUNDAGA MANAKU / SSS EP 23 / HANUMAN JAYANTI SPECIAL SONG /LIGHT MUSIC

భగవత్బంధుమిత్రులందరికీ హనుమజ్జయంతి శుభాకాంక్షలు ! SANGEETHA SAHITYA SAMALANKRITAM EP 23 కీర్తన ; --- // ఇతడుండగా మనకికదిగులేల .. // ఛందస్సు – ద్విపద సంగీతము :- లలిత సంగీతము ఇతడుండగా మనకికదిగులేల హితుడు . రామునకు బంటీతడోయమ్మ // ఇతడుండగా మనకికదిగులేల .. // చిననాడె నింగికి చెలగుచునెగిరె యినుని ఫలంబని యెంచిపట్టుటకు ; ఘనకుబేరాదులు కదిసి యొసగిరి మునులేని వరములు ముప్పిరిగాను // ఇతడుండగా మనకికదిగులేల .. // పెరిగి తా దనుజుల పీచమునణచి సురలకందరికిని స్యోనము గూర్చె పరుగున సంజీవి వడివడి దెచ్చి సరవి లక్ష్మణునకు శ్వాసను నిల్పె // ఇతడుండగా మనకికదిగులేల .. // చివ్వున బట్టెను సీతమ్మ జాడ దవ్వును చెరిపెను దంపతులకును కవ్వుకొని యితడె కాపాడువాడు రవ్వల వేంకట రాయని బంటు // ఇతడుండగా మనకికదిగులేల .. // స్వీయరచన వేణుగోపాల్ యెల్లేపెద్ది భావామృతము:-- ఆంజనేయుడు మన పక్కనే ఉండి మనల్ని రక్షిస్తుండగా, ఇక మనకు ఎలాంటి విచారాలు, భయాలు ఎందుకు? మన మేలు కోరే హితైషి, శ్రీరాముని పరమ భక్తుడు అయిన ఆ హనుమంతుడు మనకు తోడుగా ఉన్నాడు. బాల్యంలోనే ఆయన ఎంతో సరదాగా, ఆటపాటలతో ఆకాశంలోకి ఎగిరాడు. మిలమిలా మెరిసిపోతున్న సూర్యుడిని (ఇనుడు) ఒక పండిన పండుగా భావించి, దానిని పట్టుకోవడానికి అంతరిక్షంలోకి దూసుకెళ్లాడు. ఆయన అద్భుత శక్తిని చూసి కుబేరుడు, అగ్నిదేవుడు, ఇంద్రుడు మొదలగు శక్తివంతమైన దేవతలంతా ఒకచోట చేరారు. హనుమంతునికి మునుపెన్నడూ లేని, ఎంతో శక్తివంతమైన అనేక వరాలను అతని సమీపమునకు చేరి ప్రసాదించారు. ఆ వరాల బలంతో ఆయన బ్రహ్మాండమైన, విశాలమైన రూపాన్ని (విశ్వరూపం) దాల్చాడు. రాక్షసుల (దనుజులు) అహంకారాన్ని, గర్వాన్ని అణచివేశాడు. తద్వారా దేవతలందరికీ (సురలు) ఎనలేని ఆనందాన్ని, ప్రశాంతతను, ఉపశమనాన్ని కలిగించాడు. యుద్ధరంగంలో లక్ష్మణుడు మూర్ఛిల్లినప్పుడు, వాయువేగంతో ఆకాశమార్గాన ప్రయాణించి సంజీవని పర్వతాన్ని తీసుకువచ్చాడు. ఆ సంజీవని మూలికల సాయంతో లక్ష్మణుడికి తిరిగి ఊపిరినందించినాడు. లంకలో ఉన్న సీతామాత ఎక్కడుందో తన బుద్ధిబలంతో అత్యంత వేగంగా కనుగొన్నాడు. శ్రీరాముడికి సీతమ్మ సమాచారాన్ని అందించి, ఆ దివ్య దంపతుల మధ్య ఉన్న, దూరాన్ని శాశ్వతంగా తుడిచివేశాడు. ఆ హనుమంతుడు మనల్ని ఎంతో ప్రేమతో గుండెలకు హత్తుకుని, సమస్త కీడుల నుండి, దుష్టశక్తుల నుండి కాపాడే రక్షకుడు. మిక్కిలి ప్రకాశముతో వెలుగొందే , కలియుగ దైవమైన తిరుమల శ్రీ వేంకటేశ్వరుని యొక్క పరమ పవిత్రమైన సేవకుడు, అత్యంత ప్రియమైన భక్తుడు ఆ ఆంజనేయస్వామి. ఇతడే మనకు తోడుగా ఉండగా దిగులేలా ఓ జనులారా . ఇతడే హనుమంతుడు . ఇతని శరనువేదుకుందాము ! వేణుగోపాల్ యెల్లేపెద్ది #ఇతడుండగా #ITHADUNDAGA #hanumajayanti #hanumanjayanti #HANUMANVIJAYOTSAVAM #hanumansongs #anjaneya #anjaneyaswamysongstelugu #BHAKTIPATALU #BHAKTIGEETALU # #Bhakti #TeluguBhakti #DevotionalSongs #Spiritual #BhaktiSongs #HinduDevotional #Venkateswara #Balaji #TeluguDevotional #ALAMELUMANGA