عاطف السماني - القمر بوبا

تسجيلات صوتية قديمة ونادرة فضلا لا تنسى الاشتراك بالقناة وتفعيل التنبيه لمشاهدة كل الجديد ـــــ الرِقيبة قزازة عصير العُيون مِتل الفناجيل ما بتشيل جردل على الزير ما بتحِش قشّ التناقير الزراق فوقها تقول حرير شتتي الشبّال يأم ضمير إنتي ريحتِك دمور فرير و لا بِت السودان أصيل القمر بوبا عليك تقيل . . . القِديمها قِديم الحمام الوزيزين في موجو عام ياما رايقة قليلة كلام وا حلاتها تقول السلام يا قمر بوبا عليك تقيل . . . الغزال الفوق في السَلَم المحبة تزيدي الألم كُل يوم أصبحلي في هم سيسبان عودِك منظم شمعدان نَفَسِك يام خَتَم البُرتُكان نَهدِك مدردم القمر بوبا عليك تقيل . . . الدفيفيق الدابو نيّ البسيمتو تكويني كيّ أهلو ضنّو عليهو وعليّ حبّك النساني والديّ ما بخليه إن بقيت حيّ يا قِصيبة السُكر النيّ نهدِك الما رضّع جِنَيّ ووب على أمك و ووبين عليّ القمر بوبا عليك تقيل .