Armando Bala, shkodrani që njihet në të gjithë Venecian për maskat dhe kostumet e 1800-tës

I Ftuar sot në mëngjes në emisionin “Boeing 104.6” në Premium Channel dhe Radio Travel ishte Armando Bala, shqiptari që jeton në Venecia së bashku me familjen e tij dhe që merret me maskat veneciane dhe kostumet e 1800-tës. Ai me bashkëshorten, Arnisën, janë nga Shkodra dhe kanë ardhur në Itali dekada më parë, në kërkim të një jete më të mirë.”Për të realizuar një maskë veneciane duhen minimum 4-5 ditë punë, ndërsa maskat më të komplikuara duan më shumë kohë tha Armando. Tashmë në Venecia cifti njihet si mjeshtrat e maskave dhe veshjeve dhe nuk ishte e lehtë të merrnin këtë emërtim, duke konsideruar që venecianët kanë tradita shekullore në përgatitjen e maskave.