74 Gjuha 9 Filara Mesimi 74 Drejtshkrimi i grupeve ye ua ue

74 Gjuha 9 Filara Mesimi 74 Drejtshkrimi i grupeve ye ua ue Grupi zanor ye shkruhet gjithmonë i plotë në shqipen standarde. GRUPI ye Grupi ye shkruhet i plotë në të gjitha fjalët, si: arsye, i arsyeshëm, arsyetoj, dyer, skërfyell, fyej, fyell, kryej, lyej, zhyej, ngjyej, përlyej, krye, kryesi, kryesor, kryekëput, kryeneç, i pëlqyeshëm, përkthyes, pyes, pyetje, rrëmbyeshëm, i shkëlqyeshëm, shqyej, i shqyer, thyej, i thyer, i zhgënjyer etj. Do të shkruhet i plotë grupi zanor ua në disa emra dhe mbiemra te foljet me temë në ua dhe o. GRUPI ua Grupi ua do të shkruhet i plotë në të gjithë rastet e mëposhtme: a. Tek emrat dhe mbiemrat e dhënë: buall, buallicë, duaj, ftua, grua, i huaj, muaj , përrua, shuall, thua, i përmuajshëm, huazim etj; b. Te foljet me temë në ua: bluaj, druaj, quaj, ruaj, rruaj, shkruaj, shuaj etj; c. Në shumësin e së kryerës së thjeshtë, te habitorja dhe te pjesoret e foljeve me temë në -o: mësuam, mësuakam, sulmuam, punuakemi, punuakam, përtuar, pajtuar etj. Do të shkruhet i plotë grupi zanor ue në të gjithë emrat dhe mbiemrat foljorë. GRUPI ue Do të shkruhen me ue emrat dhe mbiemrat foljorë të formuar me prapashtesat -s dhe -shëm nga foljet me temë në -o/ -ua; po kështu shkruhen edhe fjalët e formuara prej tyre: botues, dëgjues, edukues, gatues, mësues, ndërtues, shkrues, pastrues, parashikues etj; i shoqërueshëm, i vazhdueshëm, i afrueshëm, i gëzueshëm, i paharrueshëm, i papërtueshëm, i vijueshëm etj.