قيدوا شمعه

الشيخ امام - حفل أصدقاء - 1988 .. كلمات احمد فؤاد نجم قيدوا شمعه قيدوا شمعه يا أحبه و نورا لى رمشتين من رمش عين و بيندهولى من هنا سكه ملامه من هنا سكه ندامه سكتين ياللا السلامه امشى فين يا ناس قولولى *********** رمشتين من رمش جارح فوق عيون السحر طارح زادوا نبض القلب حبه بالأمانى فى المحبه و الأمانى هناك بشوكها طالعه فوق الشط دكها بتلاغينى و تنادينى من بعيد و تقول أدينى كان بودى عايز أعدى و الظنون بتقول لى هدى من هنا سكه ملامه من هنا سكه ندامه سكتين ياللا السلامه امشى فين يا ناس قولولى ************ قيدوا شمعه يا صبايا نورو لى و طمنونى بحر بينى و بين هوايا موجه يشبه موج ظنونى كل موجه شايله شيله حلم ليله و هم ليله عد موج البحر ياللى شفت حالى و قول لخلى كان بودى .. عايز اعدى و الظنون بتقو لى هدى من هنا سكه ملامه من هنا سكه ندامه سكتين ياللا السلامه امشى فين يا ناس قولولى ************* مال يا قلبى العشق بينا مال و خالى البال يلومنا مال و قال للشوق يجينا فى الليالى يقل نومنا بين مسانا و بين صباحنا نصحى و الناس نعسانين موعودين بالجرح ياحنا و الدوا للموعودين إيه دا كله يا قلبى إيه دا شوف طريق العقل و اهدا من هنا سكه ملامه من هنا سكه ندامه سكتين ياللا السلامه امشى فين يا ناس قولولى قيدوا شمعه و نورو لى *********** معتقل القناطر / 1970