🎥 Videoreportaj: Jizzaxda temir yo‘l atrofini obodonlashtirish ishlari ko‘zdan kechirildi

Mamlakatimiz davlat mustaqilligining 35 yilligini munosib kutib olishga tayyorgarlik doirasida Jizzax viloyati hokimi Ulug‘bek Mustafoyev viloyat hududidan o‘tuvchi temir yo‘llar atrofida amalga oshirilayotgan obodonlashtirish va ko‘kalamzorlashtirish ishlarini ko‘zdan kechirdi. Ko‘rik davomida hududlarni obodonlashtirish, sanitariya va ekologik holatni yanada yaxshilash, aholi gavjum joylari, markaziy ko‘chalar, xiyobonlar va istirohat maskanlarini bayramona qiyofaga keltirish bilan bir qatorda, temir yo‘l infratuzilmasi hamda unga tutash hududlarni tartibga keltirish ishlarining borishiga alohida e’tibor qaratildi. Ma’lumot o‘rnida, Jizzax viloyatining 5 ta shahar va tumani hududidan jami 139 kilometr temir yo‘l o‘tgan bo‘lib, ushbu yo‘nalishlar orqali har kuni minglab mahalliy va xorijiy yo‘lovchilar harakatlanadi. Shu bois temir yo‘llar bo‘ylab joylashgan hududlarning tashqi qiyofasi viloyatning o‘ziga xos «tashrif qog‘ozi” sifatida muhim ahamiyat kasb etadi. 📹 Batafsil — videolavhada tomosha qiling.