Gjergj Sulioti & Fatbardha Hoxha - Përherë me këngë (Live Festivali i 15-të i Këngës në RTSH)

Muzika: Mark Kaftalli Teksti: Betim Muço, Interpretues: Gjergj Sulioti ft Fatbardha Hoxha (Disho) Albumi: Gjergj Sulioti /Këngë të lehta & Festivali i 15-të i Këngës në RTSH Artistic direction/Historical research by Aleksandrinos Economidis *Gjergj Sulioti: https://sq.wikipedia.org/wiki/Gjergj_.... ***Mark Kaftalli është autor këngësh i njohur. Mark Kaftalli ka kryer kursin e violinës pranë Shtëpisë së Kulturës, në vitet 1949-1952. Më vonë në vitet 1952-1955, kreu shërbimin e detyrueshëm ushtarak pranë Ansamblit të Ushtrisë në Tiranë, ku vazhdoi studimet për violinë. Në vitet 1955-1969, punoi nën kujdestarinë e kompozitorit Preng Jakova për mësimin e harmonisë dhe kompozicionit. Është prezantuar për herë të parë në shtëpinë e kulturës të qytetit të Shkodrës me orkestrën e madhe dhe korin e këtij institucioni. Karriera deri në daljen në pension ka vazhduar pa ndërprerje për 30 vjet në teatrin “Migjeni” si udhëheqës artistik. Kompozitori dhe instrumentisti i madh shkodran, Mark Kaftalli, për të parën herë në vitin 1962 realizoi festivalin e parë të muzikës së lehtë në Shkodër me një orkestër të përbërë prej 15 instrumentistësh. Në festivalin e parë të kompozitorëve amator, fitoi çmimin e parë me këngën “Vallë çka dru” me tekst dhe muzikë të krijuar nga vetë ai. Karriera e Mark Kaftallit vazhdoi me qindra koncerte në të gjithë Shqipërinë. Mbi 30 vjet si violinist ka drejtuar orkestrën e Kafes së Madhe. Që në krijimin e shkollës së muzikës “Prenk Jakova”, punoi si mësues violine duke përgatitur brezat e rinj. Ka marrë pjesë si violinist në formacione të ndryshme artistike në turne jashtë Shqipërisë. Që nga viti 1967 dhe deri sa u nda nga jeta ishte anëtar i Lidhjes së Shkrimtarëve dhe Artistëve të Shqipërisë. Është nderuar me çmime të shumta, si dhe me urdhrat: “Naim Frashëri” i klasit të dytë në vitin 1969 dhe “Naim Frashëri” i klasit të parë në vitin 1983. Kjo figurë potenciale e muzikës nuk ka titujt më të lartë që ai i meriton ndaj pret nderimin si “mjeshtër i madh” tashmë pas vdekjes.Mjeshtri Kaftalli shquhet edhe si një kompozitor me mjaft vlera në disa zhanre të muzikës si: këngë për fëmijë, këngë qytetare, këngët e muzikës së lehtë dhe opereta. Me virtualitetin e tij si violinist ka trashëguar interpretimin mjeshtëror në jaret e famshme shkodrane. Për disa vite ka drejtuar dhe udhëhequr orkestrën e estradës profesioniste të qytetit të Shkodrës. Si kompozitor ka marrë pjesë në shumë festivale të këngës në Radio-Televizion, në festivalet e këngës popullore dhe të këngës për fëmijë. Ka kompozuar mbi 750 këngë, transkiptoi dhe harmonizoi mbi 400 këngë popullore shkodrane. Gjithashtu Mark Kaftalli është autor i shtatë operetave. Mjeshtrit Kaftalli, Këshilli Bashkiak i Shkodrës i akordoi edhe titullin “Mirënjohja e Qytetit” në vitin 2008 ndërkohë që në 100 vjetorin e pavarësisë u nderua me diplomën e “mirënjohjes”. ***Historiku i këngës Këngët e Festivaleve tashmë janë pothuajse të gjitha për Partinë, luftën, kongreset, stërvitjen ushtarake, fshatin, sukseset e socializmit, internacionalizmin proletar etj. madje në këtë festival për herë të parë ndihet edhe emri i Enverit. E vetmja këngë me një tekst jashtë këtyre skemave ishte "Përherë me këngë" kompozuar nga i Madhi Mark Kaftalli me tekst nga Betim Muço, kënduar aq bukur nga Vaçe Zela dhe dubluar nga dueti korçar Gjergj Sulioti dhe Fatbardha Hoxha. Kënga u paraqit e dhjeta në radhë, natën e dytë të Festivalit të 15-të të Këngës në Radiotelevizion. Të dy interpretimet nxitën sallën TOB-it në duartrokitje dhe brohoritje të papara, kënga kaloi në finale por nuk u vleresua më asnjë çmim, për shkak të tekstit ''liberal'' dhe kjo ishte pikërisht arsyeja që ajo mbeti në ndërgjegjen e publikut, duke e kthyer atë në një hit të madh. Sidoqoftë, në memorjen e njerëzve, kënga mbeti nga versioni i duetit Sulioti-Hoxha, se sa nga versioni solo i së madhes Vaçe Zela, në fakt, për shumë vite emrat e dy artistëve ishin të lidhur drejtpërdrejt me suksesin e kësaj kënge të veçantë, diçka që padyshim i ndjek ata deri më sot.