HG: Maryda günebakar ýagynyň çäkli satuwy ýola goýuldy

Şu günki programmamyzda: Milli howpsuzlyk ministrliginiň Lebap welaýatyndaky işgärleri Azatlyk Radiosy we beýleki garaşsyz neşirler bilen hyzmatdaşlyk saklaýan raýatlary gözleýärler. Bu barada Azatlyk Radiosynyň sebitiň güýç gurluşlaryndaky ynamdar çeşmesi 22-nji noýabrda Türkmenabat şäherinden maglumat berdi. Türkmenistanda ilata bazar nyrhyndan arzan satylýan ösümlik ýagynyň üpjünçiligi bilen bagly bökdençlikler saklanyp galýar. Mary welaýatynda günebakar ýagy ilata çäkli möçberde satylýar. Lebap welaýatynda bolsa, ýag gytçylygynyň fonunda, hökümete tarapdar neşirde azyk önümleriniň arzanlandygy barada çap edilýän maglumatlar, ilat arasyndaky nägileligi güýçlendirýär. Moskwa bilen dostluk aragatnaşygynda bolan “Gürjüstan arzuwy” partiýasy geçen aý geçirilen saýlawlarda ýeňiş gazanaly bäri Gürjüstanyň täze parlamenti ilkinji mejlisine ýygnanyp, ses berişligiň galplaşdyrylandygy baradaky aýyplamalaryň arasynda, täze ses berişligiň geçirilmegi baradaky çagyryşlary güýçlendirdi. Protestçiler parlament binasyna ýumurtga zyňdylar. Habarlaşmak üçin: • Whatsapp: +420 724 168 989 we +420 773 797 383 • Telegram: @Azathabar #habarlar