Obaidullah Aleem عبیداللہ علیم کچھ دن تَو بسو مری آنکھوں میں

عبیداللہ علیم کچھ دن تو بسو مری آنکھوں میں پھر خواب اگر ہو جاؤ تو کیا کوئی رنگ تو دو مِرے چہرے کو پھر زخم اگر مہکاؤ تو کیا جب ہم ہی نہ مہکے پھر صاحب تم بادِ صبا کہلاؤ تو کیا اِک آئینہ تھا سو ٹُوٹ گیا اب خود سے اگر شرماؤ تو کیا تم آس بندھانے والے تھے، اب تم بھی ہمیں ٹھکراؤ تو کیا دنیا بھی وہی اور تم بھی وہی پھر تم سے آس لگاؤ تو کیا میں تنہا تھا میں تنہا ہُوں تم آؤ تو کیا نہ آؤ تو کیا جب دیکھنے والا کوئی نہیں بُجھ جاؤ تو کیا گہناؤ تو کیا اِک وہم ہے یہ دُنیا اس میں کچھ کھوؤ تو کیا اور پاؤ تو کیا ہے یوں بھی زیاں اور یوں بھی زیاں جی جاؤ تو کیا مر جاؤ تو کیا عبیداللہ علیم