東張西望｜獨居老伯家中木蝨大爆發 同層住戶被滋擾數月身心受創

東張西望｜獨居老伯家中木蝨大爆發 同層住戶被滋擾數月身心受創 最近有居住於將軍澳健明邨嘅居民向《東張》反映，話佢哋成層樓都被木蝨入侵，向房屋署反映都冇人上嚟睇過。 唔少居民為咗阻止木蝨入屋出盡辦法，破財傷神，但始終成效不彰，個個都心力交瘁。 肆虐全層嘅木蝨從何處而嚟？經過調查之後，發現木蝨源自於一名獨居老伯嘅單位，只見單位環境髒亂，滿佈木蝨，就連老伯本人都深受其害。 於是《東張》攝製隊安排滅蟲專家上門，希望從根源入手，解決木蝨問題，不料上門當日老伯因故入院，無人在家，只好先為其鄰居清理蟲患。但問題核心仍然存在，木蝨隨時都會捲土重來。 好在兩個月後有街坊傳嚟好消息，話老伯兒子已經為父親嘅單位完成滅蝨及清潔工作，攝製隊再次拜訪老伯單位亦發現無論係老伯本人定係單位嘅情況都大有改善，街坊亦唔駛再為蝨患擔驚受怕！ #東張西望 #TVB #將軍澳 #木蝨 #蝨患 #社會 #民生 #時事 東張西望為你直擊香港民生時事：https://bit.ly/35Ba1zK 想免費睇番呢集嘅精彩內容？登入myTV SUPER免費點播最近7日TVB自製節目：https://su.tvb.com/q/eAHttNqm