टाकळी ढोकेश्वर च्या लेणी, ढोकेश्वर महादेव, पारनेर / Takali Dhokeshwar Caves, Parner, Ahmednagar.

टाकळी ढोकेश्वर च्या लेणी :- अहमदनगर जिल्ह्यातील पारनेर तालुक्यातील टाकळी ढोकेश्वर या गावापासून तीन किलोमीटर अंतरावर एका डोंगरांमध्ये या लेण्या कोरलेले आहेत. या लेण्या राष्ट्रकूट काळातील ब्राह्मणी शैलीच्या आहेत. या लेण्या इसवीसन साडे पाचशे वर्षांपूर्वीचे आहे . लेण्यांच्या दुतर्फा शालबंजीकेच्या मूर्ती कोरलेल्या असून आतील भागामध्ये प्रशस्त लेणे मंदिर आहेत. मुख्य गाभारा लेणीमध्ये ढोकेश्वर महादेवाची स्थापना केलेली आहे. लेण्याच्या डाव्या बाजूला पाच वृक्षाखाली बसलेल्या सप्तमातृका दिसतात तसेच लेण्याच्या उजव्या बाजूला भगवान शंकर महादेव तांडव नृत्य करताना दिसतात.या बाजूला एक छोटी गुहा आहे या गुहेच्या वर काही नागशिल्प दर्शन देतात . मुख्य गणेश पट्टीकेवर गजलक्ष्मीचे शिल्प आहे . प्रशस्त प्रदक्षिणा मार्गाने सालंकृत या लेण्या असून लेण्यांच्या पाठीमागील बाजूस एक भव्य नंदी आपणास दर्शन देतो. लेण्यांच्या बाहेरील बाजूस एक प्रशस्त कातळकोरीव पाण्याची टाकी आहे. डोंगरावरचे पाणी या पाणी टाक्यात साठविण्याची व्यवस्था केलेली आहे येथून काही खोबणी असून या मार्गाने आपण वरील एका छोट्या गुहेकडे जातो.