Fran Frrokaj: Kjo mazhorancë po vjedh edhe veten

Kryebashkiaku ende në detyrë i Lezhës Fran Frrokaj i ftuar në emisionin “A show” në “News24” i ka cilësuar zgjedhjet e 30 qershorit një farsë të ndyrë e një mazhorance që ka filluar të vjedhë edhe veten, duke marrë vota më shumë se votues. Frrokaj tha se është defekt i sistemit që fiton një kandidat i PS që nuk ka konkurrencë dhe se PD ka sakrifikuar për të fituar diçka më të madhe. Duke komentuar situatën politike në Shqipëri, Fran Frrokaj tha se makineria e qeverisë Rama ka nisur të lëshojë krisma e zhurmë dhe parashtroi dy variante për të dalë nga kjo rrugë. Sipas tij, Rama ose duhet të ndalojë dhe ta rregullojë ose do të shkojë për skrap. Përsa I përket fitores së kandidatit të majtë, Frrokaj tha se praktikisht nuk është fitues pasi ka marrë vetëm 3 mijë vota, në një kohë që vetë në zgjedhjet e 2015 është shpallur fitues me mbi 21 mijë vota. Përsa i përket krizës politike, Frrokaj tha se një zgjidhje e mirë do të jepet për shqiptarët, pasi do të jetë Gjykata Kushtetuese që do japë vlerësimin e saj dhe do ketë zhvillime të jashtëzakonshme në të mirë të qytetarëve pasi e meritojnë një sistem më të mirë që e kanë. "A show" me Adi Krastën në News24 - 1 korrik, 2019 Copyrighted by News24 Albania