អតីត​មេបញ្ជាការ​រំឭក​ពី​មូលហេតុ​នៃ​អំពើ​រដ្ឋប្រហារ​កាលពី​១៩​ឆ្នាំ​មុន

អតីត​មេបញ្ជាការ​កង​យុទ្ធពល​ខេមរភូមិន្ទ​ដែល​ស្មោះត្រង់​នឹង​គណបក្ស​រាជានិយម​ គឺលោក​ ញឹក ប៊ុនឆៃ​ដែលមិន​ប្រើពាក្យ​រដ្ឋប្រហារ​បាន​អះអាង​ថា អំពើ​រដ្ឋ​ប្រហារ​កាល​ពី​១៩ឆ្នាំ​មុន​ គឺកើត​ឡើង​ដោយសារ​ការ​មិនទុក​ចិត្តគ្នា​ រវាង​អ្នក​នយោបាយ​ផង​ និង​ការ​ប្រទាញ​ប្រទង់គ្នា​ដើម្បី​នាំយក​កម្លាំង​ខ្មែរ​ក្រហម​ផង។​ លោកថា ​លោក​មានការ​សោកស្តាយ​ចំពោះការ​កើត​ព្រឹត្តិការណ៍​បង្ហូរ​ឈាម​គ្នា​ ដែល​ធ្វើឲ្យ​កងទ័ព​របស់​លោក ​ទាំង​នាយ​ទាហ៊ាន​ និង​ពលទាហ៊ាន ​បាន​ស្លាប់​ជាច្រើន​នាក់ ​ហើយ​គ្មានយុត្តិធម៌​មកដល់​ពេល​នេះ។​ ហើយ​ព្រះអង្គម្ចាស់​នរោត្ត​ម​ រណ្ធឫទ្ធិ​ ដែល​បាន​ឈ្នះការ​បោះ​ឆ្នោត​កាល​ពី ឆ្នាំ​១៩៩៣​ ត្រូវបាន​គេបណ្តេញ​ចេញ​ពីមុខ​តំណែង​ជានាយក​រដ្ឋមន្ត្រី ​ទី១​ វិញ​ នៅក្នុង​ខែ​កក្កដា​ ឆ្នាំ​១៩៩៧ ​ក្រោយ​ពេល​មាន​ការវាយ​ប្រយុទ្ធគ្នា​រវាង​កងទ័ព​ស្មោះត្រង់​នឹង លោក ​នាយក​រដ្ឋមន្ត្រី​ ហ៊ុន សែន ​ដែលពេល​នោះ ​ជា​នាយក​រដ្ឋមន្ត្រី​ទី២​ ហើយ​នឹង​កងទ័ព​ស្មោះត្រង់​នឹង​ព្រះអង្គម្ចាស់​ នរោត្តម​ រណ្ធឫទ្ធិ ​ដែលជា​ប្រធាន​គណបក្ស​ហ៊្វុនស៊ីនប៉ិច។ ថ្លែង​មួយ​ថ្ងៃ​មុនពេល​ដែល​លោក​ត្រូវ​រៀបចំ​ពិធី​បុណ្យ​ខួប​លើកទី​១៩​ ឆ្នាំ​តាម​ប្រពៃណី នៅថ្ងៃពុធ​ស្អែក​ លោក​ ញឹក ប៊ុនឆៃ​ ដែល​បច្ចុប្បន្ន​ជាប្រធាន​គណបក្ស​ខ្មែររួប​រួមជាតិ ​បាន​អះអាង​ថា ​ឆ្លងតាម​បទពិសោធន៍​នៃ​ការ​បែកបាក់​ផ្ទៃក្នុង​ជាតិលោក​ទទូច​សុំឲ្យ​អ្នក​នយោបាយ​ដែល​កំពុង​មាន​ជម្លោះ​និយាយគ្នា​ និង​បង្កើន​ទំនុកចិត្ត​ឡើង​វិញ ​ហើយមានភាព​ស្មោះត្រង់​ជាមួយ​គ្នា​ជារឿង​ចាំ​បាច់៕ The Voice of America Khmer Service (VOA Khmer) broadcasts comprehensive news and feature multimedia programs about Cambodia, Southeast Asia, America and the world. Everyday, our radio programs provide the latest news. We also deliver in-depth reporting and analysis in international politics, human rights, economics, science, health, business and entertainment. Subscribe to our channel: http://goo.gl/LQAVDc View some of our best playlists: Economy: http://goo.gl/nwTtv1 Cambodia News: http://goo.gl/KkEIv5 Education: http://goo.gl/yR09Fk Environment:http://goo.gl/pVSqsL Culture: http://goo.gl/uuxP5b