“Vellai prej 18 vitesh mjekohej per depresion”, Rajmond Hasani tregon si e mesuan lajmin e vdekjes

Familja e 43-vjeçarit nga Kukësi, që u vetëvra në qeli akuzon gjykatën dhe drejtuesit e burgut 313 për aktin ekstrem të ndërmarrë nga Bilbil Hasani. Prej vitesh familja Hasani jetonte në zonën e Bathores në Kamzë. Vëllai i tij Rajmond Hasani thotë se vëllai i tij kurohej nga depresioni dhe për këtë arsye nuk duhej të ishte mbajtur në burg. “Vëllai im ka qenë me kartelë mjeksore përsa i përket shëndetit mendor që prej 18 vitesh. Masa e sigurisë për vëllain tim nuk ka qenë për ta mbajt aty”, tha vëllai. Vëllai i 43 vjeçarit thotë se lajmin për vdekjen e Bilbilit e kanë mësuar teksa bashkëshortja e tij shkoi për ta takuar në burg mëngjesin e së premtes. “Ka qenë nusja e tij e përgatitur për tu futur në takim por pasi ka dorëzuar kartën e identitetit ka marrë lajmin e vdekjes”, tha Rajmond Hasani. Rajmond Hasani shprehet se edhe pse i vëllai kurohej për depression, ai nuk kishte shfaqur shenja të tjera që mund ta conin deri në vetëflijim. Por, sipas tij, gjendja shendetësore e Bilbilit ishte përkeqësuar gjatë kohës së qëndrimit në izolim. “Kjo ska asgjë tjetër ne prej 18 vitesh e kemi pas në familje vërtet ka qenë në depresion por nuk ka shpreh probleme që mund ta dërgonin deri në vetëflijim”, është shprehur vëllai i 43 vjeçarit. Bilbil Hasani ishte babai i 4 fëmijëve të mitur të moshës 13 deri në 4 vjeç. Famijarët tregojnë se ai jetonte në kushte të vështira ekonomike dhe banesën në zonën e Bathores e kishin ndërtuar me para borxh. 43-vjeçari ishte trajtuar me pagesën e kepmit, dhe herë pas here punonte në Greqi si emigrant./abcnews.al