ශුෂ්ක විපස්සනාව මුල සිට | හැඳින්වීම | Sujatha Puthra Meditation Center

ශුෂ්ක විපස්සනා භාවනාව - දේශනා අංක 01 ශුෂ්ක විපස්සනාව යනු නිර්වාණය දක්වා දිවෙන භාවනා මාර්ගයකි. මෙයින් යමෙකුට නිර්වාණය දක්වා භාවනාව වර්ධනය කරගෙන යා හැකිය. තමාට ලැබුණු බුද්ධෝත්පාද කාලයෙන් ඵල නෙළා ගැනීමට කැමති අයෙකුට මෙය මනා පිළිසරණක්ම ය. ඉදින්, නිවන් දකිනු කැමති පින්වත්නයින් උදෙසා උපකාරයක් වශයෙන් මෙම දේශනා මාලාව සිදු කෙරේ. සෑම සඳුදා දිනකම zoom තාක්ෂණය ඔස්සේ සජීවීව සිදු වන අතර, එයට සහභාගී වීමට කැමති පින්වතුන් මෙම link එක ඔස්සේ සහභාගී වන්න. පූජනීය ගලගෙදර නාරදවංශ ස්වාමීන්වහන්සේ විසින් මෙහෙයවන ශුෂ්ක විපස්සනා භාවනා වැඩසටහන පිළිබඳව සැදැහැ සිතින් සිදු කරන කාල ඝෝෂාවයි.. Join Zoom Meeting- https://us06web.zoom.us/j/83478956967... 📆Date : Every Monday ⏰Time : 9.00PM | Sri Lanka 🏷️Meeting ID : 834 7895 6967 🔐Passcode : 2023 වැඩි විස්තර සඳහා - https://t.me/naradawansha බුදු දහමේ පරම ගම්භීර හරය උකහා ගැනීමටයි කාලය මේ. යමෙක් ලෞකික සම්පත් පතා කළ කුසලයෙන් නවතින්නෙක් නම්, ඔහු බුදු දහමෙහි හරය නොදන්නෙකි. ප්‍රඥා ආයුධය මුවහත් කිරීම උදෙසා කැප වන්නා වනාහි දිනෙක නිවනින් නිවී යන්නෙකි. ප්‍රඥාව අඩු පුද්ගලයන් බුදු දහම බැහැර කරති. සැක කරති. ඔවුන්ට අනුකම්පා කළ යුතුය. මන්ද, ඔවුන් සසරෙහි අසරණ වුණ මිනිසුන් ය. නමුත් එය නොපෙනෙන්නට තරම් බොහෝ දෙනා තුළ මුල් බැස ගත් මාන්නය ඇත්තේ ය. මේ දහම් දේශනය මෙය ඔබට ධර්මයෙහි යෙදී ප්‍රඥාව මෝරවා ගැනීමටත්, බාලයන්ගේ බසට නොරැවටෙන්නටත් උපකාරයක් වේවා!!! මෙම ධර්ම කාරණා නුවණින් මනසිකාරය කරමින්, තමා ද මේ ධර්මයන් සසරේ කෙදිනක හෝ අවබෝධ කරගන්නවා ය, මෙම ශ්‍රවණය කිරීම එයට අඩිතාලමක් කරගන්නවා ය යන උතුම් වූ අභිලාශය පෙරදැරි කරගෙන මෙම ධර්ම දේශනය ශ්‍රවණය කිරීමට පෙළඹෙත්වා. මේ සියලු ධර්මයන් ගම්භීරය. මේ උතුම් ධර්මය පිළිබඳව ඔබේ සිතේ තිබෙන ගෞරවය බිඳකුදු හෝ මාගේ දේශනයෙන් වැඩි වේ නම්, එහි ගෞරවය ද, ඔබත් මමත් වෙනුවෙන් අනේක කැප කිරීම් කළ අප තථාගත සම්මා සම්බුදු රජාණන් කෙරෙහිම වේවා! උන්වහන්සේගේ උතුම් ධර්ම රත්නය කෙරෙහි ම වේවා! ධර්මය රකින, දේශනා කරන උතුම් සංඝ රත්නය කෙරෙහිම වේවා! #galagedara_naradawansha #buddhism #buddhistmeditation