سَڑَکوں کے مُسَافِر

Written by : Ifrahim Butt Ifree. سَڑَکوں کے مُسَافِر اَیک لَڑکَا بَرسوں کِتَابوں سے رِشتَہ جوڑتَا ہے، رَاتوں کی نِیندیں قُربَان کَرتَا ہے، اور پِھر ڈَاکٹَر، اِنجِینِیئر، اُستَاد یَا کِسی دَفتَر کَا اَفسَر بَن جَاتَا ہے۔ مَگَر اَیک لَڑکَا اَیسَا بھی ہوتَا ہے جو سِکولوں اور کَالِجوں کی بَجَائے گَاڑِیوں کے اَڈّوں میں جَوَان ہوتَا ہے۔ وُہ کَنڈَکٹَر بَنتَا ہے۔ اُس کی تَعْلِیم گَرد آلُود سَڑَکوں پَر ہوتی ہے، اُس کَا نِصَاب سَفَر، مَشَقَّت اور ذِمَّہ دَاری ہوتی ہے۔ رَات گَئے تَک جَاگنَا، صُبحِ سَوَیرے اُٹھنَا، ڈْرَائِیوَر کی سَختی سَہنَا، گَرمی، سَردی، بَارِش اور دُھند سے لَڑنَا، اِسی کی قِسمَت میں لِکھَا جَاتَا ہے۔ گَاڑی کِسی ہوٹَل پَر رُکے تو ڈْرَائِیوَر آرَام کَرنے چَلَا جَاتَا ہے، مَگَر کَنڈَکٹَر اَبھی بھی ڈِیوٹی پَر ہوتَا ہے۔ وُہ گَاڑی صَاف کَرتَا ہے، ٹَائِروں کو ٹھوک بَجَا کَر دیکھتَا ہے، ہَوَا چَیک کَرتَا ہے، کَٹ اور پَںکچَر تَلَاش کَرتَا ہے، اور اَگلے سَفَر کی تَیَّاری میں لَگ جَاتَا ہے۔ پِھر اَیک دِن بَرسوں کی مَشَقَّت کے بَعد وُہ ڈْرَائِیوَر بَن جَاتَا ہے۔ مَگَر یِہ مَنزِل نَہِیں، اَیک نئی آزمَائِش کَا آغَاز ہوتی ہے۔ اَب وَقت پَر مَنزِل تَک پُہنچنَا ہے، پُولِیس کی ڈَاںٹ بھی سَہنی ہے، سَڑَک کے خَطرَات بھی جھیلنے ہیں، اور سَینْکَڑوں جَانوں یا لَاکھوں کے مَال کی اَمَانَت بھی سَنبھَالنی ہے۔ اَگَر کِسی سُنسَان مَقَام پَر گَاڑی خَرَاب ہو جَائے یَا حَادِثَہ پیش آ جَائے تو وُہی ڈْرَائِیوَر چَوبِیس چَوبِیس گھَنٹے، چھَتِّیس چھَتِّیس گھَنٹے بُھوکَا پِیَاسَا سَڑَک کِنَارے کھَڑَا رَہتَا ہے۔ نَہ کوئی دَفتَر، نَہ کوئی سَایَہ، نَہ مُقَرَّرَہ اَوقَاتِ کَار، نَہ آرَام کی ضَمَانَت۔ بَس اَیک لَمبی سَڑَک، اَیک بھَاری ذِمَّہ دَاری، اور رِزقِ حَلَال کی جُستَجُو۔ یِہ وُہ لوگ ہیں جِن کے دَم سے بَازَار آبَاد ہیں، کَارخَانے چَلتے ہیں، اور شَہروں کی ضَرُورَتیں پُوری ہوتی ہیں۔ مَگَر اِن کے حِصّے میں اَکثَر تَعْرِیف نَہِیں، صِرْف مَشَقَّت آتی ہے۔ اِفری سَلَام ہے اِن کَنڈَکٹَروں کو، اِن ڈْرَائِیوَروں کو، جو اَپنی زِندگی سَڑَکوں کے نَام کَر دَیتے ہیں، تَاكِہ دُوسروں کی زِندگیاں آسَان رِہ سَکیں۔