Nemc kufuta historia isiyofutika wilaya ya Kongwa

Wilaya ya Kongwa kuwa Darasa la mafanikio kupitia mradi wa kuwasaidia wananchi kukabiliana na mabadiliko ya tabia nchi. Ama kweli Wahenga wanasema Mtaka cha Uvunguni shariti ainame Halmashauri ya mji wa kongwa ni miongoni mwa Miji Mikongwe hapa Nchini naa umekuwa na sifa kedekede zikiwemo zile za kusifu na hata za kusikitisha kama baadhi ya nukuu za viongozi zinavyosema kuwa kongwa ni chimbuko la wadada wa kazi za ndani huko mjini munawaita Mahouse Girl sina hakika na hili sanasana na mimi ninaskia kama nilivyokusimulia mimi. Licha ya mambo mengi kuhusu mji huo wacha nikunong’oneze KONGWA ni sehemu pekee ambayo ilitumika katika harakati za Ukombozi wa nchi za Kusini Mwa Afrika vipi inastajaabisha eeeh. Sasa acha nikupe sifa ambayo mtu yeyote akikutajia kuhusu kongwa kichwani kwako kunajengeka nini, Mji huu kwa asili yake una asili ya jangwa shida ya maji kwao ni kawaida tuu walishazoea kuishi kwa kuchimba miamba wakiyatafuta maji ya kulainisha koo zao na matumizi mengine ya kibinadamu kama vile kilimo. Tabu haizoeleki abadani na ndo maana Baraza la Taifa la Hifadhi na Usimamizi wa Mazingira (NEMC) wakaona waifute historia mbaya vichwani mwa wananchi hawa kwa kuanzisha mradi mkubwa wa kilimo cha umwagiliaji wenye miundombinu rafiki utakao futa kero zao za maji. (Imeandikwa nna Hamis Mniha)