Klan News-Incidenti në Zvërnec, u hiqet licenca dy kompanive të sigurisë

Dy kompani private të sigurisë fizike kanë humbur licencën pas incidenteve në protestën e 30 majit në Portonovë të Zvërnecit. Vendimi është marrë nga Drejtori i Përgjithshëm i Policisë së Shtetit, Skënder Hita pas përfundimit të hetimeve administrative që evidentuan shkelje të rënda në ushtrimin e aktivitetit të tyre. Sipas Policisë së Shtetit, subjekti “Myrto Security 1.3A” nuk kishte zbatuar masat e sigurisë dhe procedurat për kontrollin e hyrjes dhe daljes së personave në objekt. Nga verifikimet rezultoi se persona të paidentifikuar u lejuan të hynin brenda rrethimit të pronës, ku gjatë protestës ushtruan dhunë ndaj një qytetari dhe hodhën gurë e sende të tjera në drejtim të protestuesve. Autoritetet theksojnë se punonjësit e kompanisë nuk ndërhynë për të parandaluar veprimet e dhunshme dhe as për të larguar personat e përfshirë në incidente. Shkelje janë konstatuar edhe ndaj subjektit “Major Security”. Sipas hetimeve, një punonjës i licencuar i kompanisë, së bashku me dy persona të tjerë që nuk rezultonin të regjistruar apo të licencuar nga subjekti, kanë ushtruar dhunë ndaj një protestuesi, duke e goditur dhe duke e marrë me forcë brenda rrethimit të pronës, çka i ka shkaktuar dëmtime trupore.  “Në përfundim të hetimeve administrative, për shkeljet e konstatuara, me vendim të Drejtorit të Përgjithshëm të Policisë së Shtetit, subjekteve ‘Myrto Security 1.3A’ dhe ‘Major Security’ iu është hequr licenca për ushtrimin e aktivitetit të sigurisë fizike.” Policia e Shtetit njofton se hetimet administrative dhe procedimet penale për ngjarjet e ndodhura në Portonovë vijojnë, me qëllim zbardhjen e plotë të rrethanave dhe përcaktimin e përgjegjësive për të gjithë personat e përfshirë. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan #Portonovë #Zvërnec #MyrtoSecurity #MajorSecurity #PoliciaeShtetit #SkenderHita #Protesta #Lajme #Shqiperi #Vlorë #Kronike #Aktualitet #Siguri #Security #HeqjeLicence #Hetim #ProcedimPenal #Proteste30Maj #Ngjarje #Drejtësi #ShqiperiaSot #LajmetEFundit #BreakingNews #NewsAlbania #Albania #Investigation #KompaniSigurie #PrivateSecurity #Incident #Dhune #Protestues #Qytetare #Raportim #Gazetari #Informim