અમેરિકામાં ઈમિગ્રેશન કોર્ટ્સની બહાર કેમ રોજ લાઈનો લાગી રહી છે? USA Immigration । USA Asylum

અમેરિકાની ઈમિગ્રેશન કોર્ટ્સની બહાર હવે રોજ લોકોની લાઈનો લાગી રહી છે, રોજેરોજ ખૂબ જ મોટી સંખ્યામાં ફાઈનલ રિમૂવલ ઓર્ડર ઈશ્યૂ થઈ રહ્યા છે અને માસ્ટર હિયરિંગમાં હાજર થતાં લોકોને પોતાનો કેસ સબમિટ કરવા માટે 15-20 દિવસનો સમય આપવાની સાથે એવી વોર્નિંગ પણ ઈશ્યૂ કરાઈ રહી છે કે હવે પછીની હિયરિંગ તેમના કેસની આખરી હિયરિંગ હશે. મતલબ કે જે લોકોને હાલમાં ઈમિગ્રેશન કોર્ટ્સમાં બોલાવાઈ રહ્યા છે તેવા મોટાભાગના લોકો માટે 2026નું વર્ષ અમેરિકામાં કાઢવું મુશ્કેલ બની રહેવાનું છે. ટ્રમ્પ સરકારે છેલ્લા કેટલાક દિવસોથી ચૂપચાપ જે સિસ્ટમ અમલમાં મૂકી છે તેનાથી ઈમિગ્રેશન કોર્ટ્સમાં અંધાધૂંધીભર્યો માહોલ સર્જાયો છે, જજિસ કામના લોડથી પરેશાન થઈ રહ્યા છે અને વકીલો માટે પણ કોર્ટમાં પ્રવેશવું મુશ્કેલ બની ગયું છે.