Guliston tumanida baliqchilik sohasi va turistik maskanlar kengaymoqda

So‘nggi yillarda Guliston tumanida baliqchilik yo‘nalishi jadal rivojlanib, ushbu soha atrofida yangi dam olish va ovqatlanish maskanlari barpo etilmoqda. Aholi va mehmonlar uchun mo‘ljallangan ushbu turistik obyektlar nafaqat hudud iqtisodiyotiga, balki mahalliy aholining bandligiga ham ijobiy ta’sir ko‘rsatmoqda. Baliq yetishtirish bilan bir qatorda, tabiiy muhitda ovqatlanish, oilaviy hordiq chiqarish, qayiqda sayr qilish kabi xizmat turlarining yo‘lga qo‘yilishi Guliston tumanini Sirdaryo viloyatining diqqatga sazovor dam olish hududlaridan biriga aylantirmoqda. Mazkur mavzuda batafsil ma’lumotni Sirdaryo MTRKning “Maxsus reportaj” ko‘rsatuvi orqali tomosha qilishingiz mumkin.