ماهو الجسمنايت؟ (طريقة عمل مبخره) بماده الجسمنايت وشرح مبسط للماده واستخداماتها

أهلا وسهلاً .. عملنا اليوم شرح مبسط لماده (الجسمنايت) او في ناس يسمونها التيرازو .. الماده انتشرت انتشار رهيب الفتره اللي فاتت ، هي ماده سهله الاستخدام وآمنه وصديقة للبيئه .. ونستخدمها لصناعه القوالب سواء مباخر او صحون ديكور … الخ الماده تتكون من (سآئل +بودره) ينخلطون مع بعض بنسب محدده وبعدها تبتدي عمليه الخلط والتماسك يصير خلال اول دقيقتين عشان كذا دايم نقول خلكم سريعين في العمل عشان ماتثقل الماده او تتماسك قبل ماتصبونها في القوالب. نسب الخلط لكل 1 غرام سآئل نحط 2.50 غرام بودر لو عندنا قالب ومانعرف كم يحتاج ماده شو نسوي؟ الطريقه سويتها بالفيديو بس بشرحها بطريقه مفصله اكثر عشان تكون واضحه طريقه معرفه كميه الماده لكل قالب: نحط القالب على الميزان ونتأكد انه (0) يعني ونبتدي نحط ماء في القالب لين اخر شي بعدها ناخذ وزن الماء نضربه في 2 مثلا اذا وزن الماء 100 نضرب في 2 = 200 اذا المجموع 200 من المجموع راح نطلع نسبه السائل كم ونسبة البودر كم نضرب المجموع (200) في 0.29 = 58 (هذا وزن السائل) والحين كيف نطلع وزن البودر؟ المتبقي من المجموع هو وزن البودر يعني 200 ناقص 58 (اللي هو ورن السائل) = 142 (وزن البودر) في البدايه بتحسون ان المعادله طويله بس تراها سهله .. ومع التجربه بتعرفون اكثر .. اي سؤال اتركوه لي في التعليقات