Инъикоси Ҷаласаи коршиносон «Равишҳои инноватсионӣ дар пешгирии бемориҳои ғайрисироятӣ.

Имрӯз, 30.11.2023 дар Донишгоҳи давлатии тиббии Тоҷикистон ба номи Абуалӣ ибни Сино ҷиҳати иҷрои банди 13-и Нақшаи баргузории машваратҳои илмӣ ва илмию техникӣ, конференсияҳо, симпозиумҳо, анҷуманҳо ва семинарҳо дар Ҷумҳурии Тоҷикистон барои соли 2023, инчунин, дар доираи Конференсияи ҷумҳуриявии илмию амалии Донишгоҳи давлатии тиббии Тоҷикистон ба номи Абуалӣ ибни Сино «Инноватсия дар тиб - аз илм ба амалия» Ҷаласаи коршиносон таҳти унвони «Равишҳои инноватсионӣ дар пешгирии бемориҳои ғайрисироятӣ. Консепсияи кам кардани зарари омилҳои хатар. Таҷрибаи мамлакатҳои дигар» бо иштироки доираи васеи олимону табибони варзидаи дохилию хориҷӣ, аз ҷумла, аз Федератсияи Россия, ҷумҳуриҳои Тоҷикистон, Лаҳистон, Қазоқистон ва давлатҳои дигар баргузор гардид. Олимону табибони варзидаи дохиливу хориҷӣ дар доираи Ҷаласаи мазкур дар робита ба масъалаҳои баррасишавандаи Ҷаласа бо рӯзноманигорони телевизиониҳои давлатӣ мусоҳиба анҷом доданд.