Koson tumani hokimi nuroniylar bilan suhbatlashdi

Ko‘pchilikka ma‘lum, Koson tumani markazidagi bozorga markaziy qabriston hududi juda yaqin joylashgan. Yo‘llarning torligi, noqonuniy qurilish obyektlari va turli noqonuniy qurilmalar esa bu yerda katta tirbandlik keltirib chiqaradi. Qolaversa, qabristonga boruvchilar uchun noqulaylik tug‘dirardi.Shu tufayli bir guruh nuroniylar Koson tumani hokimi va mas‘ullarga murojaat qilishdi. Tuman hokimi Asrol Boykarayev hududga borib, nuroniylar bilan muloqot qildi va qabriston tashqarisida amalga oshiriladigan bunyodkorlik ishlari haqida ma‘lumot berdi. Hozirda loyiha asosida, piyodalar yo‘lakchasi, avtoturargoh qurilishi rejalashtirilmoqda. Bundan tashqari, bozor va qabriston hududi tashqarisida kommunikatsiya tizimi yaxshilanadi. Tungi yoritish chiroqlari o‘rnatilib, yo‘llarda kapital ta‘mirlash ishlari amalga oshiriladi.