Si i përgjigjet Rama pyetjes për sanksionet e SHBA ndaj Aqif Rakipit, babait të deputetit të PS

Kryeministri i vendit, Edi Rama ka realizuar një bashkëbisedim me gazetarët shqiptarë në Berlin. Pyetjes së gazetares së Klan News, Klesiana Omerit në lidhje me mandatin e deputetit të PS Orlando Rakipit, djalit të ish-deputetit Aqif Rakipit që ditën e djeshme është sanksionuar ekonomikisht nga SHBA, Rama zgjodhi që të mos i përgjigjej, duke thënë se “i duket pak e sforcuar që të shkojnë deri në Berlin për të folur për kandidatin e PS”. Gazetarja Klesiana Omeri: Në zgjedhjet e 25 Prillit latë jashtë zonës së sigurtë në listë 3 socialistë, të cilët ishin me kontribut pavarësisht se sot janë ulur në karrigen e deputetit. Ndërkohë që sot përfshitë një kandidat, i cili sot është deputet pa ndonjë kontribut në parti, babai i të cilit është shpallur non grata. A ndjeni se keni marrë vendimin e duhur? Kryeministri Edi Rama: Tani, të vimë deri në Berlin për të folur për kandidatin e PS në Tiranë, më duket pak e sforcuar, kështu që kalojmë tek pyetja tjetër. Pyetje: Nga ana tjetër, çështja e brendshme politike ka një rëndësi të veçantë. Dua të ndalem përsëri tek çështja e non gratës e kanë bërë zgjedhjen e tyre përsa i takon kundërshtarëve tuaj politikë për t’u pozicionuar me një pjesë të asaj që sot është Partia Demokratike, ju në axhendën tuaj politike, a njihni një PD pavarësisht mënyrën si ajo është e ndarë. Pyetja e 2: Në Kongresin e PS ju bëtë thirrje që organet e drejtësisë të funksionojnë sa i takon personave non grata. A ka nevojë që të ketë ndoshta ndërhyrje ligjore për një gjë të tillë? Kryeministri Edi Rama: Kalojmë tek pyetja tjetër. Të hënën, SHBA vendosi sanksione për ish-deputetin e PDIU-së, Aqif Rakipi dhe biznesmenin Ylli Ndroqi, pronar mediash. Vendimi i Zyrës së Departamentit të Thesarit për Kontrollin e Pasurive të Huaja e përfshin Rakipin dhe Ndroqin në listën e totale të 7 personave në Ballkanin Perëndimor që sipas SHBA kërcënojnë stabilitetin e rajonit përmes korrupsionit, aktivitetit kriminal dhe sjelljeve të tjera destabilizuese. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan